ცოტა ხნის წინ პაკისტანის მუსლიმი სასულიერო პირი ინტერნეტში დაცინვის ობიექტად იქცა, რომელმაც ''ურცხვი'' ქალები დაადანაშაულა ყოველგვარი უბედურების გამოწვევაში. ''საჭიროა, გამოვავლინოთ და აღვკვეთოთ პაკისტანის რეალური მტერი, ეს კი ჯინსში გამოწყობილი ქალია'', - ამბობს სასულიერო ლიდერი.
პირველი შემთხვევა არაა, როცა მუსლიმი სასულიერო პირი მსგავსი განცხადებით გამოდის. გასულ კვირას საუდის არაბეთის მუსლიმმა ლიდერმა თქვა, რომ ქალებს ფეხბურთის მატჩის ყურებისას ის კი არ აინტერესებთ, ვინ გაიმარჯვებს, არამედ მათ მოსწონთ ფეხბურთელების ბარძაყებისა და ვიწრო ტანსაცმლის ყურება. გასულ კვირას კი კიდევ ერთი თურქი სასულიერო პირის განცხადება გავრცელდა, რომელიც ინტერნეტ სივრცეში აიტაცეს, ის ამტკიცებს, რომ კაცთა მასტურბაცია მომავალ ცხოვრებაში მათ ხელებს დააფეხმძიმებს.