პეტერბურგის პოლიცია ზრდილობიან მძარცველებს ეძებს, რომლებმაც მანქანის გატაცების შემდეგ, პატრონს ტაქსი გამოუძახეს.

ინფორმაციის თანახმად, დაახლოებით ღამის ორ საათზე სევერნის პროსპექტზე №6 სახლთან ორმა მძარცველმა იარაღის მუქარით (ჰაერში გაისროლეს)გააჩერეს Hyundai Solaris-ის მარკის ავტომობილი, რომელსაც ქალი მართავდა.

ბოროტმოქმედებმა ქალი აიძულეს წრიულ საავტომობილო გზაზე ემოძრავათ.

გზად ერთ-ერთმა ბოროტმოქმედმა მანქანის პატრონისთვის ტაქსი გამოიძახა.როდესაც ადგილზე ტაქსი მოვიდა, მძარცველმა პატრონი საკუთარი ავტომობილიდან გადმოსვა, ჩასვა ტაქში, ხოლო თვითონ გატაცებული მანქანით გაემგზავრნენ.

მომხდარ ფაქტზე აღძრულია სისხლის სამართლის საქმე სტატიით ყაჩაღური თავდასხმა.