სადილი გაქვთ მოსამზადებელი, თქვენ კი საერთოდ არ გეხერხებათ კულინარია...რას მოამზადებთ?

"მაკარონს!" - ასეთი იქნება ძალიან ბევრის პასუხი.

არადა მაკარონსაც აქვს მომზადების საიდუმლოებები, რომელიც ძალიან ცოტამ თუ იცის. მხოლოდ მას შემდეგ, რაც სწორად მომზადებულ მაკარონს გავსინჯავთ, მივხვდებით, რამხელა შეცდომას ვუშვებთ მისი მომზადების პროცესში.

სინამდვილეში ყველაფერი მარტივია, უბრალოდ არ უნდა დავუშვათ შემდეგი შეცდომები:

1. არ გადაიტანოთ მოხარშული მაკარონი საწურზე. ამით ისინი წებვადი გახდება.

2. ბევრი იტყვის, რომ თუ საწურზე გადატანილ მოხარშულ მაკარონს გამდინარე ცივ წყალს შევუყუდებთ, წებვადიც აღარ გამოვა. ეს კიდევ ერთი შეცდომაა! დიახ, მაკარონი აღარ მიეწებება, მაგრამ სამაგიეროდ უგემური გახდება.

3. დაბოლოს, როგორც წესი, მაკარონზე სიუსს ზემოდან ვასხამთ. და რას ვიღებთ? მაკარონის გემო ცალკეა, სოუსის - ცალკე.

უმჯობესია მოვიქცეთ შემდეგნაირად:

როგორც კი მოიხარშება მაკარონი, მცირე ზომის საწურით ამოვიღოთ ქვაბიდან და ჩავყაროთ კერ კიდევ მდუღარე სოუსში.

ვშუშოთ რამდენიმე წუთი ძალიან დაბალ ცეცხლზე.

თუ ცოტა კარაქსაც დავამატებთ, კერძი უფრო ნაზი გამოვა. დავამატოთ სასურველი მწვანილი და გახეხილი ყველი, რომელიც, რა თქმა უნდა, ჩადნება კერძში.

სუფრაზე მიტანისას თავზე ისევ მოვაყაროთ გახეხილი ყველი.