პარასკევს, 27 თებერვალს, დაახლოებით საღამოს 11 საათზე, მოსკოვში ოპოზიციური პარტიის ლიდერი, ბორის ნემცოვი მოკლეს. წინასწარი მონაცემებით მკვლელმა 4-ჯერ ესროლა 55 წლის პოლიტიკოსს და მკვლელობის ადგილიდან მიიმალა. ნემცოვი ადგილზევე გარდაიცვალა.

პოლიტიკოსის სიკვდილი დაადასტურა მისმა კოლეგამ და თანამოაზრემ, რუსეთის რესპუბლიკური პარტიის წარმომადგენელმა, ილია იაშინმა.

"ნემცოვს ესროდეს. იგი მკვდარია" - დაწერა იაშინმა ფეისბუქის საკუთარ გვერდზე.

ნემცოვის მკვლელობის ერთადერთი მოწმე აღმოჩნდა მოკლულის მეგობარი გოგონა, 23 წლის უკრაინელი მოდელი, ანა დურიცკაია, რომელთან ერთად, პოლიტიკოსი სავახშმოდ მიდიოდა.

რუსეთის პრეზიდენტმა უკვე გამოთქვა მწუხარება პოლიტიკოსის დაღუპვის გამო და განახცადა, რომ საქმე აშკარა პროვოკაციული ხასიათის შეკვეთილ მკვლელობასთან გვაქვს.