შური, ომი, შუღლი, სწრაფვა პირველობისაკენ ოდითგანვე იყო ამ ჩვენს გაუკუღმართებულ ქვეყანაში და ოდესღაც ერთიანი და მთლიანი საქართველო დღეს ის აღარ არის. ერთი მუჭა მიწა-წყალი "გაუმაძღარმა" დამპყრობლებმა მრავალი წინაპარის სისხლისა თუ სიცოცხლის ფასად მაინც წაგვგლიჯა. ირგვლივ სულ გვესმის სიტყვები "საქართველო გაბრწყინდება" და ეს უკანასკნელი მალამოსავით ედება ბევრის ნაჭრილობევ გულს, თუმცა გაბრწყინდება თუ არა, ეს ჯერ კიდევ საკითხავია, ვინაიდან არ წყდება კვლავ მუქარა. რამოდენიმე დღის წინ კი ისლამი რადიკალი- თამაზ ჭაღალიძე იგივე აჰმედ ალ გურჯი სოციალური ქსელის მეშვეობით ქრისტიანებს და სამღვდელოებას სირიიდან დაემუქრა და ფართო საზოგადოებას ახალ მუქარას უთვლის. ის ბათუმელ მეგობართან მერაბ ღოღობერიძესთან სოციალურ ქსელით მიმოწერაში სკანდალურ განცხადებას აკეთებს და ამბობს, რომ საპატრიარქო უნდა წავიდეს აჭარიდან, თორემ საფრანგეთი მონაგონი იქნება და აჭარის ავტონომიური რესპუბლიკა ისლამური უნდა გხდეს. ხოლო, თუ რა იგულისხმა შემდეგ სიტყვებში "საფრანგეთი მონაგონი იქნება" ალბათ შეხსენება აღარ გჭირდებათ.

"ყურადღება! საქართველოს ქააფირებს მივმართავ, ვინც ისლამისა და მუსლიმანების წინააღმდეგ რამე ჩაიდინეთ ნატო-ს მისიებით ერაყში, ავღანეთში, აფრიკაში თუ საქართველოში- ლაფანყურში, პანკისში, გურიაში, აჭარაში, ჯავახეთსა თუ სხვა რეგიონებში, ყველა ფაქტი გვახსოვს და ყველა მონაწილის სახელი და გვარი ვიცით. ვიცით ყველა კაკებეშნიკი ვინც ჩვენს ძმებს შეურაცხყოფას აყენებს. ვიცით ყველა თქვენი ნამოქმედარი. ამ ყველაფერზე პასუხს აგებთ თქვენი ბინძური ქააფირი სისხლით. გაფრთხილებთ კიდევ ერთხელ! არ გაბედოთ, რომელიმე მუსლიმ ძმაზე ხელის აღმართვა ან რომელიმე მეჩეთზე, ან ნებისმიერ თემაზე, სადაც ისლამი ურევია, თორემ ერთ დღეს რომ საქართველოში შავი დროშები აფრიალდება, გასაქცევს მოძებნით. გპირდებით დაჩოქილ ვედრებას დაგაწყებინებთ ტელევიზიით. გაჩენას ინანებთ, თქვენ, ვირთხებო თქვენა. საპატრიარქოს აჭარლების და აჭარის პრობლემებისთვის ისეთ დღეში ჩაგაგდებთ, რომ თქვე ანაფორიანო ვირთხებო ინატრებთ, რომ ქვეწარმავლად გავჩენილიყავითო. ვფიცავ ალლაჰს მწარედ ინანებთ, თქვენი ბინძური სისხლით პასუხს აგებთ ყველა ქააფირი. ერთი შანსი აქვთ მოქალაქეებს, ისლამი აღიარონ და ხალიფატს დაემორჩილონ“ – წერს “ოდნოკლასსნიკებში” თამაზ ჭაღალიძე.

შეგახსენებთ, რომ 27 წლის თამაზ ჭაღალიძე სირიაში საბრძოლო ვითარებებში იღებს მონაწილეობას. მეგობარ მერაბ ღოღობერიძესთან სოც-ქსელში მიმოწერები კი სხვადასხვა წყარომ მაშინვე გაავრცელა. გთავაზობთ მეგობრების დიალოგს "ოდნოკლასსნიკების" მეშვეობით:

თამაზ ჭაღალიძე- ეჰ ჩემო მერაბ, იცი, რამდენი კარგი მეგობარი დავტოვე მანდ და ოჯახი. შენ კარგად მიცნობ უკვე 7 წელია და იცი, რისთვისაც ვიბრძოდი, მაგრამ იცი, რა, ჩვენი თავმდაბლობა ბევრმა ლაჩრობად შეაფასა, ჩვენ ბევრი რამ გავიარეთ, რაც ხალხს არ გაუგია, ამიტომ პირობას ვდებ, აჭარლების წინაშე, რომ ვიღაცას მუხლებზე დავაჩოქებ, მყავს იმის ხალხი და ალბათ ხვდები, სადაც ვარ და ჩვენ რა შეგვიძლია.

მერაბ ღოღობერიძე- შენ მესვრი თამაზ მე? მე ჩემი პატრიარქის მოკვლის უფლებას ვერ მოგცემ და ვერც ერთი პირწავარდნილი ქართველის. შენ უკვე აღარავინ მოგცემს უფლებას, აქ საქართველოში შემოხვიდე და თუნდაც აქ მოკვდე.

თამაზ ჭაღალიძე- მერაბ, ვინც ისლამს და მუსლიმანებს შეგვებრძოლება, ჩემი ძმაც რომ იყოს, ვესვრი, ჩემი დახმარება თუ გინდა, აჭარის ავტონომია ისლამური უნდა გახდეს. საპატრიარქო წავიდეს, თორემ საფრანგეთი მონაგონი იქნება.

მერაბ ღოღობერიძე- კითხვა მაქვს მესვრი? მე არ მჯერა შენ მე მომკლა, მე მესმის იმ დრომ, იმ წარსულმა გაგაბოროტა, ის წლები რომელიც ერთად გამოვიარეთ, ის რაც შენ და შენმა ოჯახმა მეგობრებთან ერთად ფეხდაფეხ გაჭირვებით იარე, შენ ხაზი გადაუსვი ქართველობას იმის გამო, რომ მხოლოდ ისტორიაში ჩაიწერე, როგორც თვითმკვლელი ტერორისტი.

თამაზ ჭაღალიძე- მერაბ, მე შეიძლება ჩემს ძველ მეგობარს არ ვესროლო, მაგრამ ეს იმას არ ნიშნავს, რომ მათ ეპატიოთ მუსლიმანების წინააღმდეგ ჩადენილი თუ აქვთ რაიმე დანაშაული. ასეთ ადამიანებს ვესვრი, ძმასაც კი. ცხოვრებაში ქათამიც არ დამიკლია, მანდ რომ ვიყავი, მაგრამ როცა აქ ჩამოვედი, დღეში 6 და 7 ბომბს აგდებდნენ ამერიკის კოალიციის თამადობით. მაშინ მივხვდი, რომ უნდა დამეხოცა ეგენი, მერე კობანში ვიბრძოლე, ჩემს თვალწინ ჩემი მუსლიმანი 5 ძმა დაიღუპა, მე კი დავიჭერი, ასე, რომ ვიცი ომის სუნი. ძალიან ცუდი სუნი აქვს ბომბს, ტყვიას, ცეცხლსა და სისხლს. გახსოვს? ვამბობდი, სისხლისღვრამდე მივდივართ-თქო. მე ტერორისტი არ ვარ, მე ისლამის მებრძოლი ვარ. გეკითხები, რაც ევროპამ მუსლიმანებს გაუკეთა ბოლო წლებში და რაც პანკისელებს გაგვიკეთა საქართველომ, ის არ იყო ტერორიზმი?