ვანის მუნიციპალიტეტის სოფელ ჭყვიშში ხვალ გალაკტიონობა აღინიშნება. გალაკტიონ ტაბიძის დაბადებიდან 123 წლისთავთან დაკავშირებით, პოეტის სახლ-მუზეუმის ეზოში სხვადასხვა ღონისძიებებია დაგეგმილი.

როგორც ვანის მუნიციპალიტეტის გამგეობაში აცხადებენ, სოფელი დილიდან უმასპინძლებს სტუმრებს, ვანის რაიონის სოფლებიდან, ასევე მთელი საქართველოდან.

12:00 საათი : გალაკტიონ ტაბიძის ძეგლის შემკობა, სტუმრების მიღება, მისალმება, კონკურსის გახსნა.

12:30 საათი: "გალაკტიონის ლექსის კონკურსი" იმერეთის მუნიციპალიტეტის საჯარო და კერძო სკოლების მოსწავლეთა მონაწილეობით.

14:30 საათი: სტუმრების მიღება გალაკტიონის ქოხში.

16:00 საათი: პოეზიის საღამო "ჩემთვის დღესავით არის ნათელი, რას იტყვის ჩემზე შთამომავლობა."