საზარელი შემთხვევა მოხდა კახეთის რეგიონში. რამდენიმე მე-8 კლასელმა ბიჭმა 12 წლის გოგონაზე იძალადა. მათ ეს ყველაფერი მობილურით გადაიღეს და გოგონას აშანტაჟებდნენ, რათა ამ ყველაფრის შესახებ არავისთვის ეამბო. მომხდარ ფაქტს ადასტურებენ მაცხოვრებლები. მსხვერპლის ოჯახის წევრები კი მომხდართან დაკავშირებით კომენტარს არ აკეთებენ. გოგონას ექსპერტიზაც ჩაუტარდა, რომლის პასუხიც უკვე გადაეცა დაზარალებულის ოჯახს. ოჯახის წევრები უარს აცხადებენ ექსპერტიზის პასუხის პრესის წარმომადგენლებისათვის გადაცემაზე და ამტკიცებენ, რომ ყველაფერი სასამართლოში გაირკვევა.

გავრცელებული ინფორმაციის თანახმად, ძალადობა სკოლის ტერიტორიაზე მოხდა. "სასწავლო პროცესის მიმდინარეობისას, დილის 9 საათიდან შუა დღის 3 საათამდე მსგავსი ფაქტი სკოლის ტერიტორიაზე არ მომხდარა და ვერც მოხდება"-განაცხადა სკოლის დირექტორმა.

სოფლის რწმუნებული კი იხსენებს, რომ სკოლის მიმდებარე ტერიტორიაზე სამართალდამცავები და გოგონა ოჯახთან ერთად იმყოფებოდა, რათა დაზარალებულს დანაშაულის ადგილი ეჩვენებინა. ტერიტორია, კი სადაც ეს საზარელი შემთხვევა მოხდა და კერძო მესაკუთრეს ეკუთვნის და არა სკოლას. სოფლის რწმუნებული კი დამნაშევეების სოფლიდან გადასახლებას მოითხოვს.

სავარაუდოდ დამნაშავეებს არც ციხის გისოსები და არც სხვა სასჯელი არ ელით. როგორც წესი, მე-8 კლასელი ბავშვები ჯერ 14 წლისანი ჯერ არ არიან. სისხლისსამართლებრივი პასუხისმგებლობის საკითხი კი მხოლოდ მაშინ დგება, თუ პირი მინიმუმ 14 წლისაა.