ტელეკომპანია GDS-ის ეთერში პოპულარული, გასართობი გადაცემა "ერთი ერთში" ბრუნდება. პირველი სეზონი მაყურებელმა დაახლოებით ერთი წლის წინ იხილა. გადაცემამ მალევე აალაპარაკა მთელი საქართველო. დღეს კი მესამე სეზონის დაწყებას მაყურებელი მოუთმენლად ელის.შოუ დაახლოებით 10 კვირის მანძილზე გრძელდება და მასში 8 მომღერალი იღებს მონაწილეობას.

შეფასების სისტემე კომბინირებულია, ჟიური ქულებს წერს, მაყურებელი კი საკუთარ სიმპათიას SMS-ების მეშვეობით ავლენს. ამის გარდა პროექტის ყოველი მონაწილე, ყოველ ტურში საკუთარ რჩეულს ავლენს. რაც ყველაზე მნიშვნელოვანია, კვირის ბოლოს პროექტს არავინ ტოვებს, რაც მომღერლებს დაშვებული შეცდომის გამოსწორებისა და საკუთარ თავზე ხანგრძლივად მუშაობის საშუალებას აძლევს. მესამე სეზონის მონაწილეთა ვინაობა უკვე ცნობილია.

ნუკა კვალიაშვილი პოპულარული ქართველი მომღერალია. საქართველომ ის პროექტ "საქართველოს ვარსკვლავი" მეშვეობით გაიცნო. ნუკა მომღერალ ეკა კვალიაშვილის ერთადერთი ქალიშვილია.

ლიზა ყენია ჯერ მხოლოდ 16 წლისაა, მაგრამ უკვე მთელი საქართველო იცნობს. საკუთარი შესაძლებლობები ბევრ პროექტში გამოსცადა და ყველგან წარმატებული გახლდათ. ის მომღერლ მაია ჯაბუას ქალიშვილია.

სალომე ბაკურაძე წარმატებული ქართველი მომღერალი და საშიში მეტოქეცაა. ის პროექტ "ჯეოსტარისა" და "ბრავოს" გამარჯვებულია.

თემო საჯაია "ვარსკვლავების აკადემიის" მონაწილე და წარმატებული მომღერალია.

გოგა მესხი ბევრისთვის საყვარელი და ცნობადი მომღერალია.

გიორგი სუხიტაშვილი საზოგადოებამ "ჯეოსტარიდან" გაიცნო. მის ოჯახში ყველა მღერის.

ნინი წიკლაური მაყურებელმა ჯერ კიდევ წლების წინ "ჯეოსტარიდან" გაიცნო.

ზურა ჯავახია ქართველი მუსიკოსი და მსახიობია. ის ჯგუფ „არას“ ვოკალისტი და მთავარი კომპოზიტორია.