უკვე მესამე წელია ჩრდილო-აღმოსავლეთ იტალიაში, მონტე-პიანას მთების პლატოზე ტარდება ფესტივალი სახელწოდებით «Highline Meeting». ფესტივალს მთელი მსოფლიოდან სტუმრობენ სლეკლაინერები (სლეკლაინი - გაჭიმულ ბაგირზე სიარულს ნიშნავს) და ჰაილაინერები (ჰაილაინი - სლეკლაინის ნაირსახეობაა, როცა ბაგირი გაჭიმულია დედამიწის ან ზღვის ზედაპირიდან დიდ სიმაღლეზე).

ესენი არიან ადამიანები, რომელთაც არანაირი სიმაღლის შიში არ აქვთ და პირიქით, თავიანთი სიცოცხლის საფრთხეში ჩაგდების ფასად უზარმაზარ ადრენალინს ღებულობენ.

ფესტივალის მონაწილეები სხვადასხვა სახის შეჯიბრებებში ღებულობენ მონაწილეობას: დადიან მთებს შორის გადაჭიმულ თოკებსა და ბაგირებზე, წვანან და ისვენებენ ჰამაკებში, რომლებიც დაკიდებულია დედამიწის ზედაპირიდან რამოდენიმე ასეული მეტრის სიმაღლეზე, დაკავებული არიან იოგათი და თქვენ წარმოიდგინეთ, უჩვეულო მუსიკალურ ინსტრუმენტებზეც კი უკრავენ.

გთავაზობთ ამ უჩვეულო ფესტივალის მიმდინარეობის ამსახველ საინტერესო ფოტოსურათებს.