საკმაოდ მიმზიდველი განცხადებები დასაქმების თაობასთან დაკავშირებით, რომელიც სტუდენტებს სთავაზობს რეალურ სამსახურს ხან პიარ მენეჯერის თანამდებობაზე, ხან უბრალოდ დამხმარე მდივნად, თანაც 500 ლარად, გრაფიკი კი თავისუფალი და რაც მთავარია არანაირი მოთხოვნები: არც უმაღლესი, არც გამოცდილება.

რა თქმა უნდა ეჭვი შემეპარა, მაგრამ ცნობისმოყვარეობამ და ინტერესმა მიმიზიდა “წარმატების აკადემიისაკენ''. დავრეკე განცხადებაში მითითებულ ნომერზე, სადაც ძალიან დიდი სიამოვნებით დამიბარა ქალბატონმა თამუნამ (მიქაბერიძე, როგორც გავიგე) შემდგომ დღეს 1 საათზე.

ძმები კიკნაძეების 20 ნომერში მისულს დამხვდა იტალიურ ეზოში შესასვლელ კარზე გაკრული წარწერა “ოფისი''. შევედი ეზოში და დავაკაკუნე კარზე, სადაც ისევ ის წარწერა იყო. კარი ძალიან გადაღლილმა და გამოფიტულმა არსებამ გამიღო და გამომკითხა თუ ვის დავურეკე და ვინ დამიბარა.ჩემს გარდა მოსაცდელში დაახლოებით 4-5 ახალგაზრდა იყო. უსიცოცხლო არსებამ, რაღაც პატარა ფურცელი მომცა, სადაც აღმოვაჩინე, რომ კომპანიას “წარმატების აკადემია'' ერქვა.

ეგრედ წოდებულ ოფისში საკმაოდ ბევრი ახალგაზრდა იყო გასაუბრებაზე მოსული, ისინი ჯგუფ-ჯგუფად შეყავდათ.ჩვენც შეგვიყვანეს 6 კაცი გასაუბრებაზე, სადაც შავგვრემანმა მამაკაცმა კითხვები დაგვისვა.

ბოლოს შევავსეთ სივი.პასუხი იმ დღესვე მომივიდა-დადებითი.

დღე მეორე:

კვლავ 1 საათზე მივედი. ისევ უწყვეტი ნაკადი ჰყავთ ახალგაზრდების.

ამჯერად თვით ამ “გიგანტი'' კომპანიის დამაარსებელი ქალბატონი ლელა გოშუანი გაგვესაუბრა, რომელმაც ზედამაჯერებელი ტონით გვახარა, რომ 115 კაციდან 25 შეგვარჩია პიარ მენეჯერად( რა პატივია).კომპანია თურმე ყიდის ისრაელიდან ჩამოტანილ კოსმეტიკურ პროდუქციას( არადა საქმიანობის სფერო საგანმანათლებლო და პროფესიული კურსებია მითითებული საჯარო რეესტრში). და კიდევ როგროც ქ. ლელამ მითხრა ეს კომპანია 5 წელია საქართველოს ბაზარზე არსებობს.რა საინტერესოა, არადა ეს კომპანია წელს2 დეკემბერს დარეგისტრირდა.

და ბოლოს ქალბატონმა ლელამ შემოგვაპარა, რომ სამსახურის დაწყებამდე 30 ლარი უნდა შევიტანოთ რაღაც ანგარიშზე ლიბერთი ბანკში, შემდგომ გავივლით 3 დღიან ტრენინგს და ვიწყებთ მუშაობას. როდესაც შრომითი ხელშეკრულება მოვითხოვე ქ. ლელას სახე დაეჯღანა და მითხრა, რომ ზეპირ სიტყვიერი იყო. ასევე გამომიცუნცულა ხელშეკრულება “სამუშაოს დაწყებამდე'' გასაფორმებელი, სწორედ აქ მარხია ძაღლის თავი. ხელშეკრულებაში ეწერა, რომ მე ფიზიკური პირი გადავიხდიდი 30 ლარს, რომელიც უკან დაბრუნებას არ ექვემდებარება. ხოლო სანაცვლოდ კომპანია მთავაზობდა 3 დღიან გადამზადებით კურს პიარ მენეჯერის და კიდევ რაღაცის თანამდდებობაზე. ასე რომ არანაირი სამსახური არ არსებობს ეს მხოლოდ ფულის მახეა სულელთათვის. დაფიქრდით რამდენი პიარ მენეჯერი შეიძლება ყავდეს 3 ოთახიან ოფისს. ეს განცხადებები კიდევ დევს და იდება, სტუდენტები მიდიან და მიდიან, ხოლო ლელა გოშუანის ჯიბე სქელდება სქელდება.