რა კარგია, რომ არსებობს სახელმწიფო დაზღვევა, რა კარგია რომ ხშირ შემთხვევაში ანაზღაურებს ხოლმე სახელმწიფო შენს მკურნალობას, გადაუდებელ დახმარებას გიწევს, რა კარგია, რომ გაქვს საშუალება - გქონდეს იმედი და რა კარგია, რომ ავად, რომ ხარ ვიღაცის იმედი გაქვს და რომ, ეს ვიღაცა - სახელმწიფოა... მოკლედ, რა კარგია! მაგრამ...

დღეს თბილისში ბევრი ლამაზი შენობაა სადაც ჯანდაცვის სფეროს და მიმართულების ობიექტებია განთავსებული, იდეალური და ორიგინალური დიზაინი, მკვეთრი და ლამაზი ფერები, სისუფთავე და უახლესი სამედიცინო აპარატურები, კარგად ჩაცმულ-დახურული მომსახურე პერსონალი, ლამაზ-ლამაზი ექთნები და ექიმები, კომფორტული მისაღებები (ნუ, თუ ხანდახან კევს აღლაჭუნებენ კლინიკების „რესეფშენებში“ ეგ არაფერი) და მოკლედ სრული იდილია (სხვა საქმეა იქ მომუშავე ექიმების კომპეტენტურობა, პროფესიონალიზმი და ა.შ.) - და ბრახ და უცებ დაზღვევა არ გაქვს და მორჩა! გაგწეწავენ ბოლო თეთრამდე! მხოლოდ ვიზიტი 50 ლარიდან დაწყებული - ზევით...

თუმცა, ეს არაა ამ სტატიის თემა, ამ სტატიის დედლაინი ისაა, ამ ლამაზ-ლამაზი და კომფორტული კლინიკების გვერდით დაგანახოთ (რასაც ისედაც ყოველთვის ხედავთ) იმ პოლი-კლინიკების შიდა ანტურაჟი, რაც დედაქალაქის, თანაც 21-ე საუკუნის დედაქალაქის ინფრასტრუქტურაშია.
ამ ფოტოებზე ერთ-ერთი თბილისური პოლი-კლინიკაა (არ შეიმჩნიოთ ამ სიტყვას, რომ ტირეთი ვწერთ - იდეური დატვირთვაა), ძალიან მარტივია თქვენმა თვალმა უკომენტაროდ აღიქვას რა ხდება იქ და ჩემი მოკლე კომენტარი ასეთი იქნება - გაინტერესებთ სსრკ-ს ნაშთი ძველი დიდებისა? მაშინ შედით თქვენი ქალაქის, უბნის პოლი-კლინიკაში და ატრიალეთ თავი...

რა მნიშვნელობა აქვს, რომელი უბნის კლინიკაა? ფაქტი ერთია, რომ - თბილისური სახელმწიფო (!) კლინიკების უმრავლესობა ამ დღეშია და გარდა იმისა, რომ შენობები თავზე ენგრევათ ექიმებს, ცოტა არიყოს პასუხისმგებლობის გრძნობაშიც უჭირთ ვგონებ, ბევრი მიზეზის გამო, - პ.ს. „დატკბით“ - იმოგზაურეთ საბჭოთა საქართველოს სამედიცინო პოლი-კლინიკაში

- თორემ თქვენც დაგიჭერენ, ჩვენც დაგვიჭერენ და ტრიფონასაც დაიჭერენ

ეცადნენ და გაამაგრეს კედლები, აგერ ბატონო ფაქტი

საბჭოთა საქართველოს კლინიკა - 2014 წ. თბილისი

აქ ხანძარი უეჭველი არ მოხდება, ხო?

- არა, აქ ხანძარი თუ მოხდება კი იცით სადაც უნდა დარეკოთ

ვინც არიცით, გეტყით - სატელეფონო მავთულხლართებია

ეს, კლინიკის ჭერია - არ ჩამოინგრევა ნუ დარდობთ!!!!

1978 წელს არ გეგონოთ ეს ფოტო გადაღებული, 2014-ა

საბჭოთა საქართველოს პოლიკნიკების განუყრელი ატრიბუტი

კი, ნადვილად ლიფტია, - ბოლოს ამ ლიფტით 1993-ში იმგზავრესო ამბობენ

სამაგიეროდ წესრიგს იცავენ უმაღლეს დონეზე

უი, რემონტიც დაწყებულა - გვეშველა აბააა?