ცნობილი კინოოპერატორი გიორგი ბერიძე ზღვაში დაიხრჩო. კინოხელოვანის გარდაცვალების ფაქტი ცოტა ხნის წინ მსახიობმა გოგა პიპინაშვილმა და რეჟისორმა გიო მგელაძემაც დაადასტურეს, რომლებიც კვარიათში ფილმის გადაღებებზე იმყოფებოდნენ
გიორგი ბერიძეს 50-მდე მხატვრული და დოკუმენტური ფილმი აქვს შექმნილი. იგი დამდგმელი ოპერატორია ფილმებისა: “იავნანა” (რეჟ: ნანა ჯანელიძე), “ვალსი პეჩორაზე”, (რეჟ: ლანა ღოღობერიძე), “შეყვარებული კულინარის ათასერთი რეცეპტი” (რეჟ: ნანა ჯორჯაძე), “ანემია” (რეჟ: ვახტანგ კოტეტიშვილი), “სამი სახლი” (რეჟ: ზაზა ურუშაძე), “ჩემი თვითმფრინავი” (რეჟ: გიო მგელაძე), “კონფლიქტის ზონა” (რეჟ: ვანო ბურდული), “რუსული სამკუთხედი” (რეჟ: ალეკო ცაბაძე) და მრავალი სხვა. ბოლოს გიორგი ბერიძე მუშაობდა რეჟისორ გიო მგელაძის ფილმზე ბათუმში, რომლის გადაღება ვეღარ დაასრულა.