თბილისში უკვე ძალიან დაცხა და ყველა შეძლებისდაგვარად ცდილობს გაგრილებას. ზოგი ზაფხულის ცხელ დღეებს საცურაო აუზებზე ატარებს, ზოგიერთებმა აგარაკებს შეაფარეს თავი, ზოგმაც უკვე აიღო შვებულება. ცნობილი ქართველები ცდილობენ ზაფხულიც ცხელ დღეებს თავი დააღწიონ და ახალ-ახალი ფოტოებითაც გვანებივრებენ. ერთმა ნაწილმა უკვე მოიარა ბათუმი, ზოგმა კი საზღვარგარეთაც მოასწრო წასვლა.

ბევრი ცნობადი სახე საქართველოში თავის გემოზე დასვენებას ვერ ახერხებს, რადგან მუდამ ყურადღების ცენტრში ექცევიან.

გიორგი ნაზღაიძეს თუ დავუჯერებთ ქართული შოუბიზნესის წარმომადგენლებს საქმე არც ისე კარგად აქვთ, როგორც ეს ყვითელი პრესის ფურცლებიდან ჩანს. "სირცხვილია, როდესაც გამოდიან შოუბიზნესის წარმომადგელები და საუბრობენ თუ როგორ ცხოვრობენ, როგორ ერთობიან, რა აცვიათ რამდენი გადაუხდიათ სამოსში და ა.შ. მოდით რეალურად ისაუბრეთ როგორ ცხოვრობთ და როგორ მძ...რში ხართ, იმის საშუალებაც არ გაქვთ რომ საწვავი ჩაასხათ ავტომობილებში და გაზზე გადაგყავთ, ბრენდულ პატენტ სამოსს იცვამთ და ბრენდებად ასაღებთ, ერთ ფინჯან ყავაზე სხედხართ მთელი საღამო და ელოდებით ვინმემ გადაგიხადოთ, ისვენებთ თბილისში და გუგლიდან აკოპირებთ ფოტოებს, ვითომდა სადღაც იმყოფებით (თქვენი თავი გამოაჩინეთ ამ ფოტოებში, არ თქვათ მოდაშია მხოლოდ შენობების გადაღება) სირცხვილია, სირცხვილი ვის უმტკიცებთ ან რას. ყველას არ ეხება, მაგრამ დიდ პროცენტს კი"-ნაზღაიძის ეს განცხადება ცოტა ძველია, მაგრამ ჩვენი სტატიის თემას ზუსტად მიესადაგება.

მაშ ასე, გთავაზობთ ფოტოებს, რომლებზეც ცნობილი ქართველების ცხელი ზაფხულია ასახული.