ჩვენს ეხლანდელ ცხოვრებაში სამწუხაროდ ფიზიკური კრიტერიუმები რატომღაც უფრო მნიშვნელოვანია საზოგადოებისთვის, ვიდრე სხვა, უფრო ფასეული- რაც გაგვაჩნია. თუ ხარ ლამაზი ყველა საჭირო სტანდარტის გათვალისწინებით, საქმე გაცილებით წარმატებით წაგივა, ვიდრე სხვა- ნაკლებად ლამაზ ადამიანებს. ძალზედ შთამბეჭდავი ამბავი, რომელსაც დღევანდელ სტატიაში გამცნობთ, ა.შ.შ-ის ქალაქ ჯექსონში სწრაფი კვების-KFC-ის ობიექტში მოხდა. 3 წლის გოგონა Victoria Wilcher-ი გამოაგდეს შენობიდან მოტივით, რომ იქ მყოფ "კლიენტურას" აფრთხობდა თავისი გარეგნობით.

საქმე იმაშია, რომ ვიქტორია ოდესღაც იყო არაჩვეულებრივად ლამაზი ბავშვი, თუმცა ერთ დღესაც ბაბუის ეზოში თავს დაესხა 3 პიდბული ძაღლი, რომელთაც ამოკორტნეს მარჯვენა თვალი და მთლიანად სახის მარჯვენა მხარე. გოგონამ 6 საათიანი უმძიმესი ოპერაცია გადაიტანა, რის შემდეგაც დაკარგა მარჯვენა თვალში მხედველობა და მთლიანად სახის მარჯვენა მხარე პარალიზებული აქვს.

ვიქტორიას მშობლებმა Facebook-ის გვერდზე გამოაქვეყნეს ფოტო ობიექტ KFC-ს ადმინისტრაციის მისამართით, სადაც ვიქტორიას დედამ მიმართა მათ: "ეს სახე გაშინებთ თქვენ"?? რაღა თქმა უნდა მას გამოეხმაურნენ წერილზე ბოდიშის მოხდით, რომ არ იცოდნენ ინციდენტის შესახებ, თუ ობიექტის მომსახურე პერსონალი მის ქალიშვილს ასე სასტიკად მოექცა, დახმარებას დაპირდნენ, რომ ამ სისასტიკის ჩამდენების მიმართ არ დარჩებოდნენ ვალში, ყველაფერს გამოიკვლევდნენ და აუცილებლად დაითხოვდნენ სამსახურიდან მათ.

გარდა KFC-ს ადმინისტრაციისა, ფოტომ უამრავი გამოხმაურება ჰპოვა Facebook-ისა და Twitter-ის გვერდზე და სწორედ ამ ხალხის საშუალებით მივიდა ეს წერილი KFC-ს ადმინისტრაციის ყურამდე. ვიქტორიას დედამ ყველას დიდი მადლობა მოუხადა ამ მეტად მტკივნეული ისტორიის გაზიარებისა და თანადგომისთვის. ხოლო რაც შეეხება თავად ვიქტორიას, მას წინ აქვს კიდევ რამოდენიმე არც თუ ისე იოლი ოპერაცია, რათა პიდბულთა მიერ დატოვებული ნაწიბურები მოიცილოს.

KFC-ს სწრაფი კვების ის ობიექტი, საიდანაც ვიქტორია მშობლებთან ერთად გამოაგდეს:

ვიქტორია უმცროს დაიკოსთან- ებისთან ერთად:

აქ კი ვიქტორია მანამ, სანამ პიდბულები თავს დაესხმოდნენ:

ესეც პიდბულის ფოტო წარმოდგენისთვის- თუ როგორ დაესხა სამი მათგანი თავს საბრალო გოგონას: