ფოტო Facebook-ზე, რომელზეც გამოსახულია 23 წლის Bethany Townsend-ი თუ როგორ პოზირებს ბიკინში, 9 მილიონმა ადამიანმა ნახა და 10 000-მა დააკომენტარა. ერთი შეხედვით ჩვეულებრივი გოგოა, რომელიც გასარუჯად მზეს ეფიცხება, სინამდვილეში კი ამ უბრალო გოგონას მიღმა მძიმე დაავადება იმალება, მაშ რა სჭირს ბეთანის?

საქმე იმაშია, რომ ბეთანი შეპყრობილია კრონის დაავადებით 3 წლის ასაკიდან, რომლის თანახმად კუჭ-ნაწლავის ტრაქტის ქრონიკული ანთება ვლინდება, რაც ხელს უშლის საჭმლის ასიმილაციისა და მონელების უნარს. 2010 წელს ნაწლავური გაუვალობის გამო იგი კინაღამ დაიღუპა ნაწლავის გახეთქვისგან, ამიტომ მას შემდეგ რაც სიკვდილს გადაურჩა, ატარებს "კოლოსტომურ ჩანთას".

ბეთანი გადატანილ უბედურ შემთხვევასა და ოპერაციამდე- დაკავებული იყო სამოდელო ბიზნესით, თუმცა მას შემდეგ "კოლოსტომური ჩანთის" კომპლექსის გამო კარიერას შეეშვა. 33 წლის მეუღლის- იანის თანადგომითა და დაჟინებით, მეხიკოში დასვენების დროს ბეთანიმ კვლავ გადაიღო ფოტო ბიკინში. რა თქმა უნდა ეს მისთვის ადვილი სულაც არ ყოფილა, თუმცა შეძლო. მხოლოდ ექვსი თვის შემდეგ გამოაქვეყნა გოგონამ ფოტო საკუთარი Facebook- ის გვერდზე კრონის დაავადების შესახებ ცნობების ამაღლების მოტივით, თუმცა შედეგმა მოლოდინს გადააჭარბა- მისი ფოტო უმოკლეს დროში 9 მილიონმა ადამიანმა ნახა, 200 000-მა გააზიარა და 10 000-მა დააკომენტარა, ამით კი ბეთანიში გაიღვიძა სურვილმა- დაბრუნებოდა სამოდელო კარიერას.

"მინდა მაგალითი გავხდე ყველა იმ ადამიანისთვის ვინც კრონის დაავადებით იტანჯება, რომ ცხოვრება ასეც შეიძლება კომფორტული იყოს და ნუ დაკომპლექსდებით. ჩემს "კოლოსტომურ ჩანთას" რაც შეეხება, ვერ აჯობა კრონის დაავადებას, ამიტომ რამდენიმე თვიანი მცდელობის შემდეგ ამაო გახდა და უახლოეს მომავალში ჩავიტარებ ნაწლავის გადანერგვის ოპერაციას"- ამბობს ბეთანი.