პროფესიით იურისტი მარიამ კუბლაშვილი პროექტ "ცეკვავენ ვარსკვლავების" გამარჯვებული გახლავთ.

გოგონა წარმოშობით პანკისელი ქისტია. მამის გარდაცვალების შემდეგ, ბიძამ ოჯახი ღია ცის ქვეშ დატოვა. დედა ორ შვილთან ერთად ქირით, ხანაც ნათესავებთან ერთად ცხოვრობდა. იურისტობა კუთვნილი ქონების დასაბრუნებლად გადაწყვიტა, თუმცა ხანდაზმულობის ვადის გასვლის გამო მიზანს ვერ მიაღწია. საკუთარი წარმომავლობით ამაყობს, თუმცა იქაურ წეს-ჩვეულებებს ვერ ეგუება.

18 წლის ასაკში გათხოვდა, მომავალი მეუღლე მხოლოდ ორჯერ ჰყავდა ნანახი. "მან ფაქტობრივად მომიტაცა. ძმის შიშით ვერ დავბრუნდებოდი სახლში, თან ეს არც მინდოდა, მიყვარდა. რამდენიმე თვის იყო ჩვენი შვილი, ქმარი ამერიკაში სავარჯიშოდ რომ წავიდა ორი კვირით და აღარ დაბრუნდა"-გვიამბობს მარიამი.

დაუღალავი შრომისა და მონდომების წყალობით ღია ცის ქვეშ დარჩენილმა შეძლო ბინის პირველადი შენატანის გადახდა. როდესაც "ცეკვავენ ვარსკვლავებში" მონაწილეობა გადაწყვიტა ოჯახმა ზურგი აქცია. მარიამის ძმას იმდენად ცუდი რეაქცია ჰქონდა, რომ გოგონა იძულებული გახდა საკუთარი სახსრებით ნაყიდი სახლიდან ნაქირავებ ბინაში გადასულიყო. "ძმამ კი მომწერა, რომ ამას არ მაპატიებს. თუ ჩეჩნური წესით აპირებს ჩემზე შურისძიებას, ანდერძს დავტოვებ, რომ ცუდის გაკეთება არ მინდა, უბრალოდ მინდა, დავამტკიცო, რომ მონდომებას შედეგი მოაქვს და მიუღწეველი არაფერია"-გვიამბო მარიამმა.

გოგონამ შრომისა და მონდომების წყალობით მიზანს მიაღწია. მარიამს პროექტში გამარჯვება ოჯახის დაკარგვად დაუჯდა. იმედია ყველაფერი მოგვარდება...