მომღერალმა ნინა წკრიალაშვილმა პირადი ცხოვრების აწყობა ბევრჯერ სცადა. მისი ბოლო სიყვარული და ყოფილი ქმარი თენგო წივწივაძე გახლდათ. თენგო შინაგან საქმეთა სამინისტროს თანამშრომელი იყო. ურთოერთობა არ შედგა. ნინას მტკიცებით მისი მეუღლე ძალიან ეჭვიანი ადამიანი გახლდათ. დაშორების შემდეგ თენგო მომღერალს შერიგებას სთხოვდა, მაგრამ ამაოდ. ის ავტოკატასტროფაში დაიღუპა. ნინამ ყოფილი ქმრის გარდაცვალება ძალიან მძიმედ გადაიტანა და თავსაც იდანაშაულებდა, საყვარელ მამაკაცს რომ შევრიგებოდი იქნებ ეს ტრაგედია არ მომხდარიყოო.

მომღერალმა "განოსა და კოტეს შოუში" ყოფილ ქმარზე ისაუბრა. როგორც გაირკვა, თენგომ გარდაცვალებამდე ერთი საათით ადრე ნინას მისწერა: "როცა მოვკვდები რასაც იგრძნობ, ისე ცუდად ვარ, რომ არ მნახულობ"... "ამის შემდეგ, ავარიამდე 15 წუთით ადრე მომწერა: "მიყვარხარ მთელი ცხოვრება და ცხოვრების მერეც... 15 წუთში ავარია მოხდა და გარდაიცვალა..."-გვიამბო მომღერალმა. ნინას თენგოს ოჯახთან ურთიერთობა დღემდე აქვს და შეძლებისდაგვარად მის შვილებზეც ზრუნავს.

მომღერალი სულ ცოტა ხნის წინ ყველაზე პოპულარულ ქართულ სერიალში, "ჩემი ცოლის დაქალებში" ვიხილეთ. მისი პერსონაჟი დოდოშკა მდიდარი მამის შვილია. "ერთი გატუტუცებული, მდიდარი გოგოს როლი მომცეს, რომელიც ქმარს ღალატობს, რითიც მეგობარს და საკუთარ თავს შარში გაჰხვევს. მოკლედ, სულელი და არაბოროტი ქალია დოდოშკა"-გვიამბო ნინამ.