კარგათ მოგეხსენებათ, რომ ყველა ადამიანი ინდივიდია და სიმაღლეც ინდივიდუალური აქვთ. თუმცა ბევრია თქვენს შორის ვინც სიმაღლეს ნატრულობთ ან პირიქით. ბევრი გამონათქვამიც გექნებათ გაგონილი სიმაღლესთან დაკავშირებით- "ალვის ხეც დიდია, მაგრამ რას ისხამს"; "ოქრო პატარაა, მაგრამ დიდი ფასი აქვს" და ა.შ. ჩემის აზრით გადაჭარბებული არაფერი ვარგა და ყველაფერში მაინც ზომიერებაა საჭირო, თუმცა გენებსა და ბუნებას წინ რა აღუდგება. ერთი სიტყვით, მინდა წარმოგიდგინოთ მსოფლიოს ყველაზე მაღალი ქალბატონები, რომელთა სიმაღლე 2 მეტრზე მეტია.

1. Elsani da Cruz Silva. დაიბადა ბრაზილიაში 1995 წელს. ელსანი ჩვეულებრივი და ჯანმრთელი ბავშვი იყო, თუ არ ჩავთვლით იმას, რომ 11 წლიდან სწრაფად იწყო სიმაღლეში ზრდა და 14 წლის უკვე 2 მეტრა და 5 სანტიმეტრი იყო. 19 წლის ელსანს ჰყავს 24 წლის რჩეული და ცხოვრობენ ერთად ბრაზილიის ქალაქ სალინოპოლისში, გეგმავენ იყოლიონ შვილები და აქვთ სრული იდილია.

2. Amazon Eve. ივი ყველაზე მაღალი მოდელის სტატუსით გინესებშია შესული, ქერა მოდელი 2 მეტრა და 3 სანტიმეტრია.

3. Caroline Welz. 2 მეტრა და 6 სანტიმეტრია.

4. Malee Duangdee. 2, 10 მეტრი სიმაღლის ტაილანდელი 19 წლის მალი გინესების რეკორდსმენია. 9 წლის ასაკში მედიკებმა აღმოუჩინეს ტვინის სიმსივნე, რასაც მიაწერეს მისი ზრდადობის ფუნქციის მოშლა.

5. Gitik Srivastav. 2, 11 მეტრი სიმაღლის გიტიკა ინდოეთის ეროვნული კალათბურთის ნაკრების ქალთა გუნდის წევრია. მისი მამაც ასევე კალათბურთელი იყო.

6. Ульяна Семенова დაიბადა 1952 წლის 9 მარტს, სიმაღლით ახალშობილი 51 სმ-ი და წონით 3 კგ-ი იყო, თუმცა 11 წლის ასაკში უკვე 180 სმ-ს იზომებოდა. მისი მამა 1, 76 და დედა 1, 64 სიმაღლისანი იყვნენ, იულიანა კი ამჟამად 2, 13 მეტრი სიმაღლისაა. იგი ორგზის ოლიმპიური ჩემპიონია და ეხლა ლატვიის ოლიმპიური სოციალური ფონდის მმართველია.

7. Zainab Bibi. 29 წლის პაკისტანელი ზეინაბი სიმაღლით 2, 13 მეტრს იზომება და გინესებშია შესული. გოგონას ყოველდღიურ რაციონს 8 პური, 2 ქათამი, 2 ლიტრი რძე და 6 ლიტრი წყალი წარმოადგენს.

8. Malgorzata Dydek. პოლონეთის ეროვნული კალათბურთის ქალთა ასოციაციის გუნდის პროფესიონალი კალათბურთელი ე.წ. მარგო 2, 18 მეტრია.

9. Sandy Allen. 1955 წელს ინდიანოპოლში დაბადებული სენდი მსოფლიოს ერთ-ერთ მაღალ ქალად ითვლება 2, 33 მეტრი სიმაღლის გამო. 1974 წელს სენდიმ რეკორდების სააგენტოს მიწერა წერილი, რომ მარტოობით დაიღალა და იქნებ მისთვის სიმაღლით შესაფერისი მამაკაცი მოენახათ. წყაროდან უცნობია აასრულა თუ არა სააგენტომ ცხოვრებით დაღლილი მარტოსული ადამიანის თხოვნა, თუმცა ვიპოვე ფოტო, სადაც სენდი საქორწილო კაბაშია. სენდი 2008 წლის 13 აგვისტოს გარდაიცვალა 53 წლის ასაკში.

10. Yao Defen. 2, 34 მეტრი სიმაღლის ჩინელი იაო ასევე გინესების რეკორდებშია შესული. 200 კგ-ს იწონის და მისი სიმაღლე და წონა ნორმაზე გაცილებით მეტი ჰიპოფიზის სიმსივნის გამო მოხდა. 40 წლის ასაკში, 2012 წლის 13 ნოემბერს გარდაიცვალა დაავადებისგან.

11. Jane Banford. ყველაზე მაღალი ბრიტანელი ჯეინი 2, 41 მეტრი იყო. 1895 წლის 26 ივლისს დაიბადა და 1922 წლის 1 აპრილს გარდაიცვალა 27 წლის ასაკში, რაც მისმა დაავადებამ განაპირობა.

12. Zen Zhulan.

დაიბადა 1964 წლის 26 ივნისს ხუანის პროვინციაში. საშინელი სქოლიოზის გამო, რამაც განაპირობა მისი სიმაღლე- 18 წლის ასაკში 1982 წელს დაიღუპა და მისი სიმაღლის სრული ჩამოყალიბება ვერ მოხერხდა, თუმცაღა 2, 48 მეტრი იყო და მაინც მსოფლიოს ყველაზე მაღალ ქალად მოიხსენიება.