უკვე წელიწადზე მეტი გავიდა მას შემდეგ რაც რუსეთში მოღვაწე ქართველი მომღერალი ქეთა თოფურია დაოჯახდა. მისი რჩეული ებრაელი ბიზნესმენი ლევ გეიხმანია. წყვილს სამწლიანი რომანი აკავშირდება და ურთიერთობა ქორწინებით დააგვირგვინეს. წყვილს შორის ასაკობრივი სხვაობა 12 წელია. მომღერალი კი ამაში პრობლემას სულაც არ ხედავს, უფროს მამაკაცებთან ურთიერთობა უფრო მიადვილდებაო. "ლევი ისევე ზრუნავს ჩემზე, როგორც ურთიერთობის დასაწყისში-ყვავილები, საჩუქრები და ბევრი ყურადღება! ჩემთვის ყველაზე მნიშვნელოვანია, რომ მას იუმორის გრძნობა გააჩნია"-გვიამბობს ქეთა.

ქეთა თოფურია გათხოვებამ ცოტათი შეცვალა, გაიზარდა, თუმცა მის ხასიათში ძირეული ცვლილებები არ მომხდარა. "ქეთა ოჯახის შექმნის შემდეგ სხვანაირად აზროვნებს და გაიზარდა. ამან ძალიან დაასერიოზულა-მეთქი, ვერ გეტყვი. ალბათ ტიპაჟია ასეთი და ყოველთვის ასე იქნება. თუმცა, რომ გაიზარდა, ამას ყველა ამჩნევს. პრინციპში, როცა ერთი ქალი ხარ და გასრტოლები და კონცერტები 7 მამაკაცთან ერთად გაქვს, ძალაუნებურად, მათ შეხედულებებს ეჩვევი. მით უმეტეს, არც ერთი არაა პატარა ბიჭი – გინდა, არ გინდა გაიზრდები. თუმცა, ქეთა ცდილობს, რომ თავისი ახალგაზრდული შემართება არ დაკარგოს"-გვიამბობს მომღერლის დედა, ნატა თოფურია.

უკვე რამდენჯერმე გავრცელდა ჭორები მომღერლის ფეხმძიმობის შესახებ. სამწუხაროდ ჭორი ჭორად დარჩა, ქეთა ჯერ ბავშვს არ ელოდება.

ვუსურვოთ მას წარმატებები და ბედნიერი მომავალი...