დღევანდელი რეალობით თუ ვიმსჯელებთ, ვიცი ძნელია ვიფიქროთ იმაზე, თუ რა სიამოვნება შეიძლება მოგვანიჭოს 1$-მა, ვინაიდან ქვეყანაში ხელოვნურად გაზრდილი ფასები ბატონობს, სავალუტო კიოსკებში კი მისი გადახურდავება ეროვნულ ფულზე აღარავის უნდა. ბევრ თქვენგანს ალბათ დღესაც აქვს ე.წ. "ლაპატნიკის" ერთ-ერთ ჯიბეში ბარაქას სიმბოლოდ შემონახული, ან რაიმე სამახსოვრო წარწერით გასაჩუქრებული 1$-ნი. თუმცა არსებობს ქვეყნები, სადაც სწორედ და მხოლოდ და მხოლოდ ეს 1$ მოგანიჭებთ უდიდეს ბედნიერებას, ამიტომ ნუ გადააგდებთ, ვინ იცის ფორტუნამ გაგიღიმოთ, გასცდეთ ქვეყნის საზღვრებს და აი იქ კი, ნამდვილად გასიამოვნებთ სწორედ ეს 1$.

სად და რა შეგვიძლია შევიძინოთ 1$-ად?

1. კამბოჯი. კამბოჯში 1$-ად შეგიძლიათ მოიწყოთ 2 კათხა ლუდის, შემწვარი ბაყაყისა და 3 შემწვარი ობობის პორციით განტვირთვის შესანიშნავი 1საათი. ან თუნდაც შეიძინოთ 4 ლიტრი გამოხდილი წყალი, 2ქილა Coca-Cola, 50 გრამი დანიური ლურჯი ყველი, ან სამრეცხაოში დარეცხოთ სარეცხი.

2. ფილიპინები. ფილიპინებში 1$-ად შეგიძლიათ მოიწყოთ ნახევარ საათიანი ფეხის მასაჟის პროცედურა სამკურნალო ყვავილების ინგრედირებით. ასევე ისიამოვნოთ 2 საათი ინტერნეტ-მომსახურებით, შემწვარი თევზის ერთი პორციით, მამაკაცს შეუძლია შეიჭრას თმა, შეიძინოთ ასევე 4 ლიტრი სასმელი წყალი და ა.შ.

3. ხორვატია. ხორვატიაში შეგიძლიათ ნაყინის მოყვარულებმა მიიღოთ სრული სიამოვნება, 1$-ად მოგივათ ნაყინის უდიდესი და უგემრიელესი პორცია.

4. იტალია. ერთი ბოთლი დაბალხარისხიანი ღვინო, 1კგ სპაგეტი, 6 ბოთლი მინერალი ან "იბუპროფენი" თავის ტკივილის გასაყუჩებლად.

5. კოლუმბია. კოლუმბიაში კი 1$-ად სრულიად დანაყრდებით მოზრდილი ფინჯანი ყავითა და სხვადასხვა სახის ფუნთუშით.

6. ეგვიპტე. დეგუსტატორთა საყურადღებოდ, 1$-ად ეგვიპტეში გეძლევათ შანსი გასინჯოთ სალათი koshary plate, რომლის ინგრედიენტებშიც შედის ბრინჯი, ბარდა, სტაფილო, მოთუშული ხახვი, მაკარონი და ხორცი.

7. ინდოეთი. ინდოეთში, კერძოდ კი კალკუტში 1$-ად შესაძლებელია სრული "გაძღომა". (ამათი საჭმელების ჭამას და მითუმეტეს ქუჩაში, არასოდეს მოვისურვებდი)

8. კოსტა-რიკა. 1$-ად კოსტა-რიკა გვთავაზობს ჯანსაღ პროდუქტებს, როგორიცაა პაპაი, ანანასი და საზამთრო.

9. ა.შ.შ. შტატებში, კერძოდ კი ნიუ-იორკში 1$-ად იმგზავრებთ ავტობუსით- Blue Bus ან ავტომობილის პარკირებას შეძლებთ 1 საათით.

10. ბელიზი. ბელიზში კი 1$-ად, ვისაც ჯერ არ გაგისინჯავთ, გეძლევათ საშუალება მიირთვათ შემწვარი ბანანების ერთი პორცია.

11. დიდი ბრიტანეთი. დიდ ბრიტანეთში როგორც ჩანს ასევე ძვირია ცხოვრება, 1$-ად იქ მხოლოდ ნახევარ ლიტრ საწვავს, 2 ღერ სიგარეტსა და 3 ცალ ვაშლს თუ შეიძენთ.

12. იორდანია. იორდანიაში კი მხოლოდ 1 კოლოფი ჩიფსი ან 2 პორცია ყავა ყავის ბანკომატიდან.