თბილისის მერიამ დედაქალაქის ცენტრში კიდევ ერთი პარკის რეაბილიტაცია დაასრულა. როგორც თბილისის მერიაში აცხადებენ, 7 000 კვადრატულ მეტრ ფართობზე მდებარე „ბუკიას ბაღში“ მნიშვნელოვანი სამუშაოები განხორციელდა. დამონტაჟდა გარე-განათებისა და სარწყავი სისტემები, გაკეთდა საფეხმავლო ბილიკები, დაიდგა სკამები და მოეწყო საჩრდილობლები. რეაბილიტირებული პარკის გახსნას თბილისის მერობის „ნაციონალური მოძრაობის“ კანდიდატი ნიკა მელია და „ნაციონალური მოძრაობის“ საარჩევნო შტაბის ხელმძღვანელი გიგი უგულავა დაესწრნენ.
