აშშ-ში, 39 წლის მეგან ჰანთსმენი(Megan Huntsman), რომელიც იუტადან არის რამდენიმე შვილის მკვლელობაშია ეჭვმიტანილი.

სამართალდამცველებმა საშინელი აღმოჩენა გააკეთეს. შვიდი მიცვალებული ბავშვი ავტოფარეხში, ყუთებში იდო.გვამები გადატანილი იქნა სასამართლო სამედიცინო ექსპერტიზაზე, გაკეთდება დნმ-ს ანალიზი და დადგინდება სიკვდილის მიზეზი.

სავარაუდოდ, დედა შვილებს 1996 წლიდან 2006 წლამდე აჩენდა და შემდეგ გუდავდა მათ.

პირველი გვამი მისმა ქმარმა დარენ უესტმა( Darren West) შემთხვევით ავტოფარეხის დალაგების დროს ნახა, იგი ნასამართლევი იყო ნარკოტიკების გამო და სასჯელიც მოიხადა, მანვე გამოიძახა პოლიცია, მათ შემდგომ კიდევ 6 გვამი აღმოაჩინეს.

ადვოკატის განცხადებით ჰანთსმენს ექვსი მკვლელობა ედება ბრალად. ჯერჯერობით უცნობია, რატომ არ დაეკისრა დედას მეშვიდე მკვლელობის პასუხისმგებლობა.
მეზობლების განცხადებით ჰანტსმენს სამი უფროსი ქალიშვილი ჰყავს, 13 დან 20 წლამდე, რომლებიც ჯერ კიდევ ამ სახლში ცხოვრობდნენ. სახლი უესტის მშობლების საკუთრებაა.

"ყველაზე საშინელი ისაა-აცხადებს მათი მეზობელი ფრედ ნიუმანი-რომ მისი ზრდასრული ქალიშვილები როგორ ვერ ამჩნევდნენ, რომ დედა ფეხმძიმედაა".
გამოძიებას არ სჯერა, რომ ქმარმა არაფერი იცოდა გარდაცვლილი ბავშვების და მისი ფეხმძიმობის შესახებ, ამასთანავე ექსპერტიზის წინასწარი დათვალიერებისას დადგინდა, რომ 7 ბავშვიდან მხოლოდ 1 შესაძლოა მკვდარი დაიბადა.