ქრისტინე იმედაძე პოპულარული ქართველი მომღერალი გახლავთ, რომელსაც საქართველო ბავშვობიდან იცნობს. მომღერალი სკანდალებში იშვიათად ეხვევა, თუმცა სულ ცოტა ხნის წინ, ის მზესუმზირის რეკლამისათვის გაშიშვლდა და საზოგადოების ყურადღებაც მიიპყრო. მომღერალს შესანიშნავი ტანი აქვს და რეკლამაშიც შესანიშნავად გამოიყურება, თუმცა უნდა ავღნიშნოთ, რომ მისი საქციელი ქართველებისთვის მეტ-ნაკლებად მიუღებელია.

ქრისტინეს ერთი ქალიშვილი ჰყავს, ტაისია. ოჯახი 24 წლის ასაკში შექმნა, სამწუხაროდ, მალევე დაენგრა. ახლა 29 წლისაა და შესანიშნავად გამოიყურება. ოჯახს თვითონ, დამოუკიდებლად არჩენს, 15 წლიდან კი საკუთარი ფული აქვს. სულ ცოტა ხნის წინ, უკრაინაში წასვლა და იქ თავის დამკვიდრება ჰქონდა გადაწყვეტილი. გავრცელებულმა "ციხის კადრებმა" უბიძგა. უკრაინაში გაემგზავრა, შესანიშნავი შემოთავაზებები ჰქონდა, მაგრამ ბებია ცუდად გაუხდა, რის გამოც უკან, საქართველოში დაბრუნდა. მომღერალმა მონატრებულ ოჯახთან დარჩენა გადაწყვიტა, მისი ქალიშვილი სკოლაში მიდიოდა და უნდოდა მნიშვნელოვანი წუთები მასთან ერთად გაეტარებინა. "დედობაზე უკეთესი საჩუქარი არ არსებობს. როცა დედა გავხდი მას შემდეგ დასრულდა ჩემი სილაღე და გაჩნდა უამრავი პასუხისმგებლობა. საკუთარ თავს მოდუნების უფლებას ერთი წუთითაც არ ვაძლევ"-გვიამბობს მომღერალი. სულ ცოტა ხნის წინ მან ქუდების კოლექციაც გამოუშვა, რომელთაც ბევრი ცნობილი ქართველი მოიხმარს. ვუსურვოთ ქრისტინეს წარმატებები....