უკრაინის დედაქალაქში ევრო მომხრეებმა ისევ განაახლეს ფართომასშტაბიანი აქციები. გვიან ღამით ბერკუტსა და აქტივისტებს შორის დაპირისპირება მსხვერპლით დასრულდა. გარდაცვლილია ათობით ადამიანი, ხოლო 100–ზე მეტი აქტივისტი დაიჭრა. როგორც უცხოური საინფორმაციო სააგენტოები იტყობინება, გარდაცვლილთა შორის გაზეთ "ვესტის" ჟურნალისტია, რომელსაც ცეცხლსასროლი იარაღით მიყენებული რამდენიმე ჭრილობა აღენიშნებოდა. ამასთან, მაედნის მიმდებარე ტერიტორიაზე აქტივისტებს ე.წ. ტიტუშკები უმოწყალოდ ხოცავენ.

ოპოზიციის ლიდერები უკრაინის პრეზიდენტ ვიქტორ იანუკოვიჩს მოუწოდებენ, რომ დაუყოვნებლივ დატოვოს თანამდებობა.

"ჩვენ არ გვეშინია იანუკოვიჩის ბერკუტის და ტიტუშკების. თავისუფლებისთვის ვიბრძოლებთ სისხლის ბოლო წვეთამდე. ჩვენ ვართ დამოუკიდებელი ერი და ჩვენი ერთიანი არჩევანია ევროპა. ჩვენს დასახულ მიზანს აუცილებლად მივაღწევთ. დიდება უკრაინას!, "–აცხადებს აქტივისტები.

ამ წუთებშიც მიმდინარეობს მაედანზე ევრო მომხრეების აქცია.