როგორც იქნა ნანუკა ჟორჟოლიანმა საოცნებო გადაცემა ჩაწერა, ნინო ქათამაძეს, თეონა კოტრიკაძესა და ნიკოლოზ რაჭველს თავი ერთად მოუყარა და შესანიშნავი კონცერტიც შემოგვთავაზა. ქართველმა მაყურებელმა კი ნანუკას სიურპრიზს თურქული სერიალები ამჯობინა, ჟურნალისტი იმედგაცრუებულია. "გუშინდელ ჩემს გადაცემას მოუგო ორმა თურქულმა სერიალმა! ასეთი ჯერ არ მომხდარა! მე კი ვთქვი რომ ეს ის შემთხვევაა როდესაც რეიტინგი არ მადარდებსთქო, მაგრამ მაინც, რომ იცოდეთ ამ ქვეყანაში გია სურამელაშვილი 2- ჯერ მეტ რეიტინგს დაწერდა! ესაა ჩვენი ქვეყნის რეალობა და აღარ დავინახო პრეტენზიები რომ თურმე სიყვითლე და ერთი და იგივე სახეები მოგბეზრდათ! შეეგუეთ ამ ქვეყანაში არ უნდათ ასეთი კონცერტები! ამ ქვეყანაში ჭაბუა ამირეჯიბის გადაცემას სურამელაშვილი უგებს! შეეგუეთ და მორჩით აწი შენიშვნებს!"-წერს ჟურნალისტი "ფეისბუქის" საკუთარ გვერდზე.

ნანუკა ცდილობდა საკუთარი გადაცემისათვის კარგი რეკლამა გაეკეთებინა, ყველაფერი ინტრიგით დაიწყო და "არნახული სიგიჟის" დაპირებით დასრულდა, თუმცა საზოგადოების დიდი ნაწილისათვის თურქული სერიალის მორიგი სერია უფრო საინტერესო და სასურველი აღმოჩნდა. რამდენიმე დღის წინ ნანუკა ირწმუნებოდა, რომ გადაცემის რეიტინგი მისთვის მნიშვნელოვანი არ იქნებოდა, რადგან ეს მისი საოცნებო გადაცემა გახლდათ:
"დღეს არის ის ერთადერთი შემთხვევა როდესაც ნაკლებად მაინტერესებს გადაცემა რა რეიტინგს დაწერს (თუმცა დარწმუნებული ვარ, რომ მაღალი იქნება) იმიტომ რომ ეს ჩემი ოცნების გადაცემაა. საოცარი შოუ, აი ისეთი ელენი რომ წაიყვანდა".

როგორც ჩანს ჟურნალისტი ქართულმა საზოგადოებამ ძალიან გაანაწყენა...