სანდლები- ყველაზე მოდური და პრაქტიკული ფეხსაცმელია ზაფხულის პერიოდში. ამასთან ერთად კომფორტული და ლამაზიც. წლევანდელი წელი, სანდლების სტილის მრავალფეროვნებით იქნება გამორჩეული, წარმოგიდგენთ რამოდენიმე მათგანს:

რაც უფრო მაღალი-მით უფრო მოდური- ამ ზაფხულს, მოდურია ატაროთ მაღალძირიანი ე.წ "ტანგეტის" ტიპის ან პლატფორმის ქუსლის მქონე სანდლები. თან რაც უფრო მაღალია ქუსლი, მით უფრო მოდური იქნება თქვენი იმიჯი.

თუმცა დიზაინერები ამ სეზონზე გულს არც დაბალქუსლიანი ფეხსაცმელების მოყვარულებს დასწყვეტენ და მათთვის რეკომენდაციას, უძირო სანდლებს ე.წ "გლადიატორებს" უწევენ.
"გლადიატორები"-მსუბუქძირიანი, სხვადასხვა სისქის სარტყელების მქონე სანდალის ტიპია, რომელიც ერთნაირად უხდება როგორც სარაფანს, ისე ჯინსის შარვალს და შორტს.

არანაკლებ მოდური ტრენდია წლევანდელ წელს "გლადიატორების" მაღალქუსლიანი ვარიანტი, რომელიც წვრილ ქუსლსა და ოდნავ წაწვეტებულ ფორმას იძენს. ფეხზე კი უამრავი წვრილი თასმით მაგრდება. ამასთან, რაც მეტია თასმა მით უფრო მოდურია თქვენი ფეხსაცმელი.

ამას გარდა ზაფხულის მთავარი ტრენდი ეს ფერებით თამაშია,
აარჩიეთ რაც შეიძლება ფერადი, ხასხასა კოლორიტის მქონე ფეხასცმელები. თამამად ატარეთ ისინი ასეთივე ფერად სამოსთან შეხამებაში. წლევანდელი ზაფხულის პალიტრა განსაკუთრებულ ფერადოვნებას ეფუძნება, ამიტომ ნუ შეგეშინდებათ ექსპერიმენტების!