ნანკა კალატოზიშვილისა და ირაკლი კედიას წყვილი წლების მანძილზე დიდი პოპულარობით სარგებლობს. თავდაპირველად მათ ურთიერთობას სერიოზულად არ აღიქვამდნენ, ბევრი ჭორიც ვრცელდებოდა მათი დაშორების შესახებ, თუმცა ურთიერთობა იმაზე მყარი გამოდგა ვიდრე მოველოდით. წყვილი ერთად თავს შესანიშნავად გრძნობს და ვაჟიც შეეძინათ. ნანკა ხანგრძლივი დროის მანძილზე ირწმუნებოდა, რომ დაქორწინებას არ აპირებდა. "ჩვენ ვართ ოჯახი და ჯვრისწერა და ხელმოწერა ჩვენი მიზანი არ არის. ჩვენ გვაქვს ერთი ლამაზი ოჯახი და ამის დასაბუთება არ მჭირდება. არ მაინტერესებს, ბეჭედს დამირტყამენ თუ არა! თუ ეს რამეში დაგვჭირდა, რატომაც არა, გავაკეთებთ"-გვიამბობდა მსახიობი.

სოციალურ ქსელებში გავრცელებული ინფორმაციის თანახმად კი ნანკამ და ირაკლიმ 9 იანვარს იქორწინა. რა გახდა ქორწინების მიზეზი "საჭიროება"?! თუ წყვილმა აზრი შეიცვალა?! ეს ჯერ კიდევ უცნობია.

შეგასენებთ, რომ წყვილს ერთი ვაჟი ჰყავთ დანიელ კედია. პატარა 6 ივნისს მოევლინა ქვეყანას, სახელი კი მამამ შეურჩია. ნანკა აქტიური დედაა, ცდილობს დრო ვაჟსაც დაუთმოს და კარიერასაც მიხედოს. ის პოპულარული პროექტის "ცეკვავენ ვარსკვლავების" თანაწამყვანიც გახლდათ, თეატრშიც აქტიურად მოღვაწობს. ირაკლიც ყურადღებიანი მამა და ქმარია. ვუსურვოთ ოჯახს წარმატებები და ბედნიერი მომავალი...