ქალაქ სან დიეგოს უნივერსიტეტის სტუდენტმა მიიღო 4 მილიონი აშშ დოლარი კომპენსაციის სახით ამერიკის მთავრობისგან მას შემდეგ, რაც ის ოთხი დღის განმავლობაში გამოკეტეს უფანჯრო ციხის საკანში.

დანიელ ჩონგი იძულებული გახდა დაელია საკუთარი შარდი, რომ არ დაღუპულიყო წყურვილისგან და ასევე ის ცდილობდა ხელზე ამოეტვიფრა სიკვდილისწინა გზავნილი დედისთვის. მხოლოდ ოთხი დღის შემდეგ, მისმა ტირილმა და ყვირილმა მიიქცია ყურადღება და ის გაათავისუფლეს პატიმრობიდან. ჩონგი მთლიანად დაფარული იყო თავისი ფეკალიებით და ჰქონდა ძლიერი ჰალუცინაციები.

ეს ინციდენტი მოხდა 2012 წელს.ბიჭი დააპატიმრა ანტინარკოტიკულმა პოლიციამ ერთერთი რეიდის დროს. თუმცა, დაკავების შემდეგ, მას უთხრეს, რომ მის მიმართ არ იქნებოდა წაყენებული არანაირი ბრალდება, რის შემდეგაც მის შესახებ არავის გახსენებია.

დანიელმა გაატარა ხუთი დღე საავადმყოფოში, ვინაიდან აწუხებდა დეჰიდრატაცია, თირკმლის უკმარისობა, კრუნჩხვები და საყლაპავის პერფორაცია. ჩონგმა დაიკლო 7 კგ.

ამ ინციდენტმა აიძულა დეპარტამენტის უფროსი საჯაროდ მოეხადა ბოდიში დანიელ ჩონგისთვის. მას შემდეგ გატარდა მთელი რიგი ღონისძიებები და რაც მთავარია დააყენეს კამერები საკნებში.