მიწისქვეშა
გადასასვლელი სოჭში, რომელიც საცურაო აუზად უფრო გამოდგება.

მას შემდეგ რაც მსოფლიოს ოლიმპიურმა კომიტეტმა ზამთრის ოლიმპიადის ჩასატარებლად რუსეთის
ქალაქი სოჭი აირჩია, ქალაქის ინფრასტრუქტურის სწრაფი ტემპებით გაუმჯობესება და ახალი მშენებლობების „ბუმი“ დაიწყო. ასე აშენდა სოჭში ახალი მიწისქვეშა გადასასვლელი, რომელიც გათვალისწინებული
იყო ოლიმპიადაზე ჩამოსული სტუმრების ნაკადის გასატარებლად. გადასასვლელი მოპირკეთდა
და კეთილმოეწყო თანამედროვე მოთხოვნების შესაბამისად. ობიექტის ასაშენებლად და საბოლოო სახის მისაცემად
ბიუჯეტიდან დაიხარჯა 60 მილიონი „რუბლი“. თუმცა სწრაფი ტემპით აშენება ხარისხიანად
აშენებასაც რომ არ ნიშნავს აუცილებლად, დაამტკიცა ამ მიწისქვეშა გადასასვლელმა. პირველივე ძლიერი წვიმის გამო მიწისქვეშა გადასასვლელი
ისე დაიტბორა, გადასასვლელზე უფრო საცურაო აუზს დაემსგავსა.

ადგილობრივი მოსახლეობა უკვე ხუმრობს ამ გადასასვლელზე: მართალია 60 მილიონი „რუბლის“ ღირებულების გადასასვლელმა
მისი პირდაპირი დანიშნულება ვერ შეასრულა, სამაგიეროდ ზაფხულის ოლიმპიური თამაშებისათვის
მოსამზადებელი „მშვენიერი“ „სპორტული“–საწყლოსნო
კომპლექსი აგვიშენესო.

ხუმრობა–ხუმრობად, მაგრამ გადასასვლელი სერიოზული
რეკონსტრუქციის გარეშე თავის დანიშნულებას რომ ვერ შეასრულებს ფაქტია.

ესეც სურათები აღნიშნული ობიექტიდან.