ეს არის ბლითები ჩვენი ბავშვობიდან, რომელიც ძალიან მარტივად და სწრაფად კეთდება.მას ახლაც ბევრჯერ ვაკეთებ და ყველას უყვარს.გამოდის ძალიან გემრიელი და ჰაეროვანი.თქვენც გაგიზიარებთ ამ უმარტივეს რეცეპტს.

ინგრედიენტები:

–1კვერცხი

–5ჩ.კ.–შაქარი(50გრ)

–ხაჭო ცხიმიანი–250გრ.

–პ/ფქვილი–5ს.კ(150გრ)

–გამაფხვიერებელი–1ჩ.კ.

–დაფქული დარიჩინი–1ჩ.კ.(გემოვნებით)

–შაქრის პუდრა–მოსაფრქვევად.

–მცენარეული ზეთი ბლითების შესაწვავად.

მ ო მ ზ ა დ ე ბ ი ს წ ე ს ი:

1)ხაჭო გავატაროთ საცერში რომ ერთიანი მასა მივიღოთ.პ/ფქვილი და გამაფხვიერებელი დავყაროთ თასზე.

2)კვერცხი ავთქვიფოთ შაქართან და დარიჩინთან ერთად.დავამატოთ ხაჭო ავთქვიფოთ და ეს მასა დავასხათ ფქვილიან ჯამზე და მოვზილოთ ცომი.გადმოვიტანოთ ხის ფქვილიან დაფაზე მზა ცომი და მივცეთ ძეხვის ფორმა.ცოტა ხანს დავაფაროთ ცომს და ვაცადოთ გაფუება.(30წთ)მერე დავჭრათ პატარა კაკლისოდენა ცომებად და დავამრგვალოდ სათითაოდ. გავხვრიტოთ შუაგულში, ცოტათი გავწიოთ და მივცეთ"ბუბლიკის" ფორმა.ცოტახანს დავასვენოთ გამზადებული "პიშკები", მერე კი ...

3)ღრმა ქვაბში ჩავასხათ ბლომად ზეთი რომ დაიფაროს ჩვენი ბლითები, ავადუღოთ კარგად, ჩავაწყოთ გამზადებული ბლითები და შევწვათ ოქროსფრად.შემდეგ გადმოვიტანოთ ქაღალდის ხელსახოცზე რომ ზედმეტი ზეთისგან განთავისუფლდეს.მოვაყაროთ შაქრის პუდრა და...

მიირთვით გემრიელად.

თქვენი მაშა