ნიშნობა, წყვილის ურთიერთობაში ერთ-ერთი დაუვიწყარი და ლამაზი დღეა. მას აქვს თავისი ტრადიციები. პირველ რიგში საჭიროა მამაკაცმა შეარჩიოს ბეჭედი. არსებობს ძველი ჩვეულება, რომლის თანახმადაც ნიშნობის ბეჭდის ფასი უნდა იყოს მამაკაცის ხელფასის სამმაგი ოდენობა. თუმცა თუ მეტის შესაძლებლობა გაქვთ თანხა არ დაინანოთ, ეს ისეთი საჩუქარია, რომელიც ქალმა მთელი სიცოცხლე უნდა ატაროს.

დიდი სიფრთხილე უნდა გამოიჩინოთ ბეჭდის შერჩევისას, არის მომენტები, როდესაც წყვილი ერთად არჩევს ბეჭედს, მაგრამ უმეტესად მაინც მამაკაცი არჩევს და ცდილობს სიურპრიზად შემოინახოს. მომავალი საცოლისათვის ბეჭდის პოვნა ერთგვარი გამოწვევაა სასიძოსთვის, თუმცა შეგიძლიათ ფრთხილად გაარკვიოთ რამდენიმე საკითხი და თავი ქუდში გექნებათ.

პირველ რიგში კარგად დააკვირდით მის სტილს. გაიგეთ როგორი სამკაულები მოსწონს თქვენს რჩეულს: ტრადიციული თუ თანამედროვე. ასევე დააკვირდით მისი სამკაულის ფერს, თუ მას ვერცხლი უყვარს, შეგიძლიათ თეთრი ოქრო უყიდოთ.

ასევე ძალიან მნიშვნელოვანია ბეჭდის თვალი, თვალის ფორმა-ზომა, ბუდეს ფორმა, მასალა.

ხანდახან ნიშნობის ბეჭედი და საქორწილო ბეჭედი ერთად იყიდება, რადგან მომავალი პატარძლები ხშირად მათ ერთად იკეთებენ ხელზე და ისინი ერთმანეთის შესაფერისი უნდა იყოს. თუ დაქორწინებას უახლოეს მომავალში აპირებთ, მაშინ ჯობია ამაზე თავიდანვე იზრუნოთ და ნიშნობის და საქორწილო ბეჭედი კომპლექტში შეიძინოთ(თუმცა გაითვალისწინეთ, რომ ხელსი თხოვნის დროს ნიშნობის ბეჭედს და სხვა სამკაულებს ჩუქნიან, საქორწილო ბეჭედს კი ქორწინებისას ხდება).