უკრაინული მედიის ინფორმაციით, ქართველ მომღერალსა და მსახიობს ვახტანგ (ბუბა ) კიკაბიძეს უკრაინის დამსახურებული არტისტის წოდება მიენიჭა.ბრძანებულებას ხელი უკრაინის პრეზიდენტმა ვიქტორ იანუკოვიჩმა მოაწერა, სადაც აღნიშნულია ვახტანგ კიკაბიძის როლი უკრაინის სოციალურ - ეკონომიკური, სამეცნიერო - ტექნიკური და კულტურულ - საგანმანათლებლო საქმიანობაში შეტანილი წვლილისათვის . სწორედ ამ დამსახუებისთვის მიენიჭა ქართველ მომღერალს საპატიო წოდება. როგორც განკარგულებაშია ნათქვამი, კიკაბიძეს მრავალწლიანი კეთილსინდისიერი შრომისა და პირადი წვლილისათვის გადაევა აღნიშნული ჯილდო.

75 წლის ვახტანგ კიკაბიძეს არაერთი ღირსეული ორდენი აქვს მიღებული, მათ შორის: იგი არის მრავალგზის საერთაშორისო სიმღერისა და კინოფესტივალის ლაურეატი, 1980 წლიდან სახალხო არტისტი და სსრკ - ის სახელმწიფო პრემიის ლაურეატი.ბუბა კიკაბიძე არის ვახტანგ გორგასლის III ხარისხის ორდენის კავალერი, ღირსების ორდენის კავალერი, წმინდა ნიკოლოზ საკვირველქმნილის დიდი ჯვრის რაინდი, ისევე როგორც წმინდა კონსტანტინეს, თბილისის საპატიო მოქალაქე. 1999 წელს მოსკოვში "ვარსკვლავის მოედანზე" ჩაიდო მისი სახელობის ვარსკვლავი.

კინემატოგრაფიაში შეტანილი წვლილისათვის, სადაც ვახტანგ კიკაბიძემ დაუვიწყარი სახეები შექმნა და მაყურებლისათვის არა ერთი საყვარელი გმირი განასახიერა, როგორებიცაა: "მიმინო", "არ იდარდო", "ვერის უბნის მელოდიები",