საქართველო რა კავშირი აქვს მარიკა ვერულაშვილს ნაყოფიასა და ბეჟუაშვილის საპარლამენტო უმცირესობის დატოვებასთან 2013, 19 ნოემბერი, 0:55 თეთრიწყაროს რაიონის მაჟორიტარმა დეპუტატმა დავით ბეჟუაშვილმა საპარლამენტო უმცირესობა დატოვა. პარლამენტის საპროცედურო კომიტეტის თავმჯდომარის, ირინა იმერლიშვილის განცხადებით, კომიტეტში ბეჟუაშვილის განცხადება ფრაქცია ”ნაციონალური მოძრაობის” დატოვების შესახებ უკვე შესულია. შეგახსენებთ, იმის შესახებ, რომ დავით ბეჟუაშვილი და კობა ნაყოფია შემოდგომისათვის ფრაქციის დატოვებას გეგმავდნენ, ჯერ კიდევ 2013 წლის იანვარში გახდა ცნობილი. საპარლამენტო კულუარებში იმაზეც საუბრობდნენ, რომ საშემოდგომო სესიაზე, უმცირესობის რიგები ნაყოფიასა და ბეჟუაშვილის გარდა, შესაძლოა კიდევ რამდენიმე დეპუტატმა დატოვოს, რომელთა გეგმებშიც, ფრაქციის შექმნა შედის. ცნობილი გახდა ასევე, რომ ნაყოფიასთან და ბეჟუაშვილთან ფრაქციის შექმნის თაობაზე მოლაპარაკებებს მარიკა ვერულაშვილი აწარმოებდა. for.ge-ს ინფორმაციით, ვერულაშვილის სახელმა იმ დამოუკიდებელ მაჟორიტარებთანაც გაიჟღერა, რომლებიც ფრაქციის შექმნას უკვე რამდენიმე თვეა ცდილობენ. 692 1-ს მოსწონს 2-ს არა
|