ეკონომიკისა და მდგრადი განვითარების სამინისტროს ინიციატივით, მთავრობას უფლება ეძლევა "განსაკუთრებულ შემთხვევაში" კულტურული მემკვიდრეობის ძეგლის სტატუსის მქონე ობიექტს სტატუსი მოუხსნას.

როგორც ჩანს, ახალი პროექტის თანახმად, სახელმწიფო მნიშვნელობის აუცილებლობის არსებობისას, მთავრობის განკარგულებით ძეგლისთვის სტატუსის მოხსნა დასაშვები ხდება, თუმცა გადაწყვეტილება უნდა იყოს დასაბუთებული და კულტურისა და ძეგლთა დაცვის სამინისტროსთან შეთანხმებული.

ინიცირებული პროექტისგან განსხვავებით

ახლანდელი კანონმდებლობა მხოლოდ მაშინ ითვალისწინებს სტატუსის მოხსნას, თუკი ძეგლი განადგურებული ან დაზიანებულია ისე, რომ ისტორიული და კულტურული ღირებულების აღდგენა შეუძლებელია.

ახალმა ინიციატივამ საზოგადოების გარკვეული ნაწილი ააფორიაქა. ისინი მიიჩნევენ, რომ შესაძლოა ახალი კანონი მთავრობამ ცუდად გამოიყენოს და მნიშვნელოვანი ძეგლები სტატუსის გარეშე დარჩეს...