"მის სამყარო 2013"-ის ტიტულის მფლობელი გახდა ლამაზმანი ვენესუელიდან, გაბრიელა ისლერი. 120 ათასი დოლარის ღირებულების ძვირფასი გვირგვინი, გაბრიელას გადასცა "მის სამყარო 2012"-ის გამარჯვებულმა ოლივია კალპომ.

"მე ძალიან ბედნიერი ვარ. არ მჯეროდა, რომ ჩემი სახელი დაასახელეს. ეს იყო ძალიან ამაღელევებელი მომენტი"-აღნიშნა გამარჯვებულმა გოგონამ.

გაბრიელა ისლერი 23 წლის არის, სიმაღლით 180სმ., მან იცის ცეკვა "ფლამენკო" და მუშაობს ვენესუელის ტელევიზიაში. რეალურ ცხოვრებაში ყველაზე მეტად აფასებს სახლში ყოფნას. მისი სიტყვებით, დედამ ასწავლა მას, რომ იყოს შეუპოვარი და არასოდეს არ დანებდეს.

"მის სამყარო 2013"-ის ფინალი გაიმართა მოსკოვის Crocus City Hall-ში. მასში მონაწილე 86 მონაწილედან, ფინალში გავიდა 16 ლამაზმანი. საქართველოს სახელით კონკურსში მონაწილეობა უნდა მიეღო ჯანეტ ქერდიყოშვილს, რომელმაც ჯანმრთელობის გაუარესების გამო ვერ შეძლო კონკურსზე გამგზავრება.

მე-2 ადგილზე გავიდა 23 წლის ესპანელი პატრისია როდრიგესი,

მე-3-ზე 22 წლის ეკვადორელი კონსტანცა ბაესი,

ხოლო რუსი კონკურსანტი ელმირა აბდრაზაკოვა საერთოდ ვერ მოხვდა ფინალში