უშიშროების საბჭოს გენერალური მდივანი ტელეკომპანია "რუსთავი 2"-ის ეთერში იუმორისტულ გადაცემას "The ვანო'ს Show"-ს სტუმრობდა. ეს პირველი შემთხვევა იყო, როდესაც ბოკერია საზოგადოებამ მსგავსი ტიპის გადაცემაში იხილა.

წამყვანის კითხვაზე, მისი აზრით, არჩევნების შემდეგ ქვეყნის კურსი როგორი იქნება, ბოკერიამ შემდეგი პასუხი გასცა:

"არ მოველოდი, რომ ასეთ სახუმარო კითხვას დამისვამდი, და არ ვარ ამიტომ მზად. მე მართლა მგონია, რომ თუ ის კაცი, რომელსაც ჩაბარდა ქვეყანა და ხშირად მრავალსაათიან ლექციებს გვიტარებს ხოლმე, სხვა თემებით თუ არ გაერთობა, (ხანდახან ის საუბრობს ხოლმე იმაზე, თუ რა სასარგებლოა ბავშვის დედის რძით კვება, თუ მოგისმენია...) თუ ცოტა ხანი მოითმენს გლობალური პრობლემების გადაჭრისგან, მგონი, რომ საიმედო ხელში ვართ".

გადაცემის დასრულების შემდეგ წამყვანმა მას სთხოვა სტუდიაში ხურდა გადაეგდო - ხელისუფლებაში თუ არა, გადაცემაში მაინც დაბრუნდებითო.