სოციალურ ქსელ facebook-ზე გარემოსა და ბუნებრივი რესეურსების ყოფილი მინისტრი და საპარლამენტო უმცირესობის წარმომადგენელი გოგა ხაჩიძე კვლავ აქტიურად მოითხოვს გაასაჯაროოს ახლმა პრემიერ-მინისტრმა ირაკლი ღარიბაშვილმა სორბონის უნივერსიტეტის დიპლომის ასლი. მან დღეს MICKAEL BERTHELOT-ისა და საკუთარი დიპლომის ასლები გამოაქვეყნა:

"ეს, MICKAEL BERTHELOT-ის სორბონის დიპლომია.
მეორე, გაცილებით მოკრძალებული, ჩემი დიპლომია, თბილისის სახ. უნივერსიტეტის.
Irakli Garibashvili თქვენი დიპლომი? სორბონის...", - წერს ხაჩიძე.

"ვინ აძალებთ დღეში ასჯერ სორბონას რომ გაიძახიან?!
უსორბონოდაც შეიძლებოდა მინისტრობაც და პრემიერმინისტრობაც.
კანონი არ ირღვევა არცერთ შემთხვევაში ( წულუკიანისგან განსხვავებით)
უბრალოდ, თუ არ აქვს, რატომ გვატყუებენ?...", -აცხადებს ხაჩიძე.

"ისე, კალაძის დიპლომსაც ვნახავდი სიამოვნებით", -წერს ერთ-ერთი მომხმარებელი.

"რაღაც ვერ ვიხსენებ ვერა ქობალიას დიპლომის გასაჯაროება მოეთხოვა ვინმეს. ქობალიას ბოღმა აქამდე გახრჩობთ, მთელი ოცნების გუნდის გაუნათლებლობა არ იმალება და ეგ სულ გაგიჟებთ. შეინარჩუნეთ სიმშვიდე და წარმოგვიდგინეთ ღარიბაშვილის დიპლომი", - მოითხოვენ სოციალური ქსელების მომხმარებლები.