საქართველოს ახალი პრეზიდენტი ჰყავს და ბუნებრივია მისი ცხოვრების გარშემო უამრავი კითხვა ჩნდება. საზოგადოებამ უკვე უკეთ გაიცნო საქართველოს ახალი პირველი ლედი, მაკა ჩიჩუა, თუმცა ცოტა რამაა ცნობილი პრეზიდენტის ქალიშვილზე, ანა მარგველაშვილზე.

როგორც გიორგი მარგველაშვილმა გამოცემა „პრაიმ თაიმთან“ საუბრისას განაცხადა, ანა რამდენიმე წლის განმავლობაში მოსკოვში ცხოვრობდა და სწავლობდა, თუმცა ახლა საქართველოში დაბრუნდა და სწავლასაც აქ განაგრძობს. ანა გიორგის პირველი ქორწინებიდან ჰყავს.
აღსანიშნავია, რომ პრეზიდენტის ქალიშვილი ძალიან ჰგავს მამას და არა მხოლოდ გარეგნობით. მასაც მამამისის მსგავსად ძალიან უყვარს ცხოველები და ჰყავს ჩიხუახუას ჯიშის ძაღლი.
როგორც სოციალური ქსელებიდან ჩანს, ანა შეყვარებულია. მის მიერ გავრცელებულ ფოტოებზე ხშირად ჩნდება ახალგაზრდა ბიჭი, რომელსაც ირაკლი ჰქვია (გვარი უცნობია). ერთ-ერთ ფოტოზე პრეზიდენტის ქალიშვილი მას ჰკოცნის კიდეც, რაც მათ ურთიერთობას ადასტურებს. ფოტოები სოციალურ ქსელში 7 თვის წინაა გამოქვეყნებული. კვლავ ერთად არის თუ არა წყვილი, უცნობია.