როგორც რამდენიმე დღის წინ გამოქვეყნებულ სტატიაში ავღნიშნეთ, ავთანდილ ცქვიტინიძე პაუზის შემდეგ უკრაინის მოდის კვირეულს დაუბრუნდა. ახლა კი დიზაინერმა 2014 წლის გაზაფხული-ზაფხულის “ლუქბუქი” წარმოადგინა.
ახალი კოლექციის მთავარი შტრიხები სექსუალურობა, თავდაჯერებულობა და მგრძნობიარე სტილია. მის შესაქმნელად დიზაინერმა გამჭვირვალე “ორგანზა”, თავთა და აბრეშუმი გამოიყენა. მოდელები ძირითადად შემდეგ ტონალობებშია გადაწყვეტილი: წითელი, პასტელური ვარდისფერი, ფუკსია, ელეგანტური შავი და თეთრი.
ახალ კოლექციას ორიგინალურობას უნიკალური ანგელოზებიანი პრინტი ანიჭებს, რომელიც ავთანდილმა მხატვარ ოლეგ ტიმჩენკოსთან ერთად შეიმუშავა.
ავთანდილის ახალი კოლექციის “ლუქბუქისთვის”, მოდელმა მარიტა ჯანაშიამ იპოზიორა.