ევროპული სამზარეულო ჩვენსაზე გაცილებით მობილური და სწრაფია. იქ ძალიან აფასებენ დროს, ყოველთვის ახსოვთ, რომ დრო-ეს ფულია.ამიტომ პოპულარობით სარგებლობს კერძების სწრაფად მომზადების რეცეპტები. ევროპელები ბოსტნეულს ქილებში არ ხუფავენ. მათთან ეს მიუღებელია.

გთავაზობთ პამიდვრის მწნილის მომზადებას იტალურად, რომელიც 30 წუთში მზადდება და დიდ ძალისხმევას არ მოითხოვს.

ინგრედიენტები:

პამიდორი(დიდი ზომის)-3 ცალი

ნიორი(დანაყილი)-1 კბილი

დაჭრილი მწვანილი(ოხრახუში, კამა)-1 სუფრის კოვზი

მარილი, შაქარი-1/3 ჩაის კოვზი

მდოგვი-1/2 ჩაის კოვზი

დაფქული შავი წიწაკა-გემოვნებით

ზეითუნის ზეთი-2 სუფრის კოვზი

ვაშლის ძმარი-1/2 ჩაის კოვზი

მომზადება:

პამიდვრები დავჭრათ რგოლებად. ყველა დანარჩენი ინგრედიენტი ერთმანეთს შევურიოთ მარინადის გასაკეთებლად და მოვასხათ თითოეულ პამიდვრის რგოლს.

პამიდვრების რგოლები დავაწყოთ ერთმანეთზე და შევინახოთ მაცივარში 30 წუთი.

მოვაყაროთ მწვანილი და გემრიელად მივირთვათ!