საქართველო პატარა ქვეყანაა, მაგრამ ქართული შოუბიზნესის წარმომადგენლები არ გვაკლებენ სკანდალებსა და მოულოდნელ სიურპრიზებს. ამ სტატიაში თავი მოვუყარე წლის ყველაზე სკანდალურ ქორწინებებს, განქორწინებებს, რომანებსა და დანგრეულ ურთიერთობებს.

მომღერალ ნინი ბადურაშვილის ქორწინებაც სკანდალური გახლდათ, განქორწინებამ კი მგონი ათწლეულის რეკორდიც მოხსნა. არავინ იცოდა, რომ ნინის გული დაკავებული იყო, სანამ პრესის ფურცლებზე საქმროსთან, ირაკლი კუტალაძესთან ერთად არ გამოჩნდა. გრანდიოზული ქორწილის შემდეგ ნინი საცხოვრებლად რუსეთში გადავიდა, მალევე დაბრუნდა, თუმცა ქმართან კონფლიქტს უარყოფდა. ირაკლი კუტალაძის ინტერვიუ კი მთელი ქვეყნისთვის შოკისმომგვრელი აღმოჩნდა. "მე მაქვს საფუძვლიანი ეჭვი, ვიფიქრო, რომ ნინის მიზანი იყო კანონიერად გათხოვილიყო და ქორწინებიდან გაეჩინა შვილი.

ქმარი და ოჯახის შექმნა მის გეგმებში არ შედიოდა. ძნელია იმის აღიარება, რომ შენს ცოლს საერთოდ არ სჭირდები. შობიარობის შემდეგ, როდესაც მთელი საქართველო დაინახავს, მე ნინის გვერდით არ ვარ, მაშინ ამ ფაქტს გამოიყენებს, ისევ საკუთარი პიარისთვის-ნახეთ ქმარმა სამშობიაროში მიატოვაო. ესეც მისი გეგმის ნაწილია და ამას, ალბათ მოყვება მოთხოვნები"-გვიამბობდა ირაკლი. თვეები გავიდა, ქვეყანას პატარა ელენე მოევლინა, რომელიც მამას დღემდე არ უნახავს. ნინი მეუღლეს ცუდად არ მოიხსენიებს, ის მაინც ჩემი ქალიშვილის მამააო. მომღერალი დიდი ბებიის რჩევას ითვალისწინებს, ბოღმას გულში არასდროს იდებს, მეუღლესაც ყველაფერი აპატია, ცდილობს ყველაფერს მისი პოზიციიდან შეხედოს.

სალომე ჭაჭუა და გიგი გაჩეჩილაძე საქართველომ პროექტ "ცეკვავენ ვარსკვლავის" მეშვეობით გაიცნო და მალევე შეიყვარა. მოცეკვავეები შეყვარებულებიც გახლდნენ. ერთად არაერთ დაბრკოლებას გაუძლეს.წლების მანძილზე ნაშენები ურთიერთობა კი ცოტა ხნის წინ დაინგრა. ბევრს საუბრობდნენ სალომესა და გიორგი ვარდოსანიძის რომანზე, თუმცა წყვილი ამ ყველაფერს უარყოფდა. ხომ გაგიგიათ, კვამლი უცეცხლოდ არ ჩნდებაო... ჭორები გამართლდა, გიორგი ვარდოსანიძე და სალომე ჭაჭუა ერთად არიან, გიგი გაჩეჩილაძეც არ გახლავთ მარტო, მისი რჩეული ნინი წიკლაურია.

სულ ცოტა ხნის წინ დაქორწინდა ყველასათვის საყვარელი მსახიობი და ტელეწამყვანი ლელა მებურიშვილი. მისი რჩეული ბაჩო საგანელიძე გახლავთ. ის "არქიმედეს გლობალ ჯორჯიას" დირექტორია, განათლება საზღვარგარეთ მიიღო. ამავე დროს საპარლამენტო უმრავლესობის წევრის დავით საგანელიძის ძმიშვილიცაა.როგორც გაირკვა ბაჩოს ლელას ნომერი ჟურნალისტ ნანუკა ჟორჟოლიანისაგან გაუგია და მანამ არ მოისვენა, სანამ სასურველი ქალბატონის გული არ დაიპყრო. წყვილმა ჯვარი დაიწერა და საფრანგეთში გაემგზავრა.

საქართველოს ვარსკვლავი 2013" ნინა სუბლატი გათხოვდა. პრესა ბევრს საუბრობდა მის რომანზე გიორგი შამანაურთან, თუმცა მომღერლის მხრიდან ასეთი სერიოზული ნაბიჯის გადადგმას არავინ მოელოდა.გიორგი შამანაური მუსიკოსი, მესაყვირე გახლავთ. წყვილს შორის ასაკობრივი სხვაობა 13 წელია.

ქმარს გაშორდა ჯგუფ "მგზავრების" სოლისტის, გიგი დედალამაზიშვილის და. ნინი დაქორწინებული იყო მომღერალ კოტიკო ყიფიანზე. ურთიერთობამ მხოლოდ წელიწადნახევარი გასტანა. წყვილს ერთი ქალიშვილი, ელენე ჰყავს. ნინი ქმართან დაშორების მიზეზებზე არ საუბრობს, თუმცა მასთან შერიგებას გამორიცხავს.

ქმარს გაშორდა მომღერალი სოფო ბედია. მას მიშა შაყულაშვილთან 5 წლიანი თანაცხოვრება აკავშირებდა. ისინი სამაგალითო ოჯახად ითვლებოდნენ და ერთად დუეტიც კი ჩაწერეს. წყვილს ერთი ვაჟი ჰყავს. სოფო განშორების მიზეზებზე არ საუბრობს.

ქართველი მსახიობი ია ფარულავა გათხოვდა. მისი რჩეული გერმანიაში მოღვაწე ქართველი მუსიკოსი ტარიელ სუარი გახლავთ. მათი ნაცნობობა სოციალურ ქსელიდან დაიწყო. ტარიელმა იას ხელი პირდაპირ "ნიჭიერის სცენაზე" სთხოვა. წყვილმა ჯვარი დაიწერა. ტარიელი რჩეულს სიურპრიზებით ანებივრებს და "საკუთარ ქალღმერთს" უწოდებს.

ყველასათვის საყვარელი მსახიობი რუსკა მაყაშვილი შეყვარებულია. მისი რჩეული 24 წლის მორაგბე სანდრო ნიჟარაძე გახლავთ. ის ჯერ "ყოჩებში", შემდეგ კი "ლელოში" თამაშობდა. სანდრო ხელმოცარული სპორტსმენი არ გეგონოთ, საქართველოს ჩემპიონია. სანდრო და რუსკა პირად ცხოვრებაზე არაფერს გვიმხელენ. სოციალურ ქსელში გავრცეებული ფოტოები კი ბევრ რამეზე მეტყველებს.