ყველასათვის ცნობილი და საყვარელი მსახიობი ლელა მებურიშვილი გათხოვდა. მისი რჩეული ბაჩო საგანელიძე გახლავთ. ის "არქიმედეს გლობალ ჯორჯიას" დირექტორია, განათლება საზღვარგარეთ მიიღო. ამავე დროს საპარლამენტო უმრავლესობის წევრის დავით საგანელიძის ძმიშვილიცაა. ბაჩო სასურველ სასიძოდ ითვლებოდა მთელ თბილისში. წყვილმა რამდენიმე დღის წინ ჯვარი დაიწერა და ახლა თაფლობის თვეს საფრანგეთში ატარებს. მსახიობის დედამ, ქალბატონმა დალი ბასიშვილმა მომხდარი დაადასტურა და აღნიშნა: "ლელას და ბაჩოს ქორწილი არ ჰქონიათ, ვიწრო წრეში ჯვარი დაიწერეს, თან საკმაოდ ნაჩქარევად და საფრანგეთში გაფრინდნენ".

ჭორები ლელას გათხოვების შესახებ ადრეც გავრცელდა. რამდენიმე თვის წინ ინტერნეტსივრცეში მსახიობის ფოტო, თეთრ საქორწინო კაბაში გამოქვეყნდა. ყველაფერი ჭორები აღმოჩნდა, ეს მხოლოდ კინოროლი გახლდათ. მსახიობი საკუთარ რომანს საგულდაგულოდ მალავდა, რჩეულის სახელსაც კი არ უმხელდა ჟურნალ-გაზეთებს. ცოტა ხნის წინ კი ლელა "ნანუკა ჟორჟოლიანის შოუს" სტუმრობდა, სადაც აღიარა, რომ შეყვარებული გახლდათ, მეტიც დასძინა, ჩემს გვერდით აუცილებლად კარგი კაცი უნდა მდგარიყო და ასეც არისო. როგორც გაირკვა ბაჩოს ლელას ნომერი ჟურნალისტ ნანუკა ჟორჟოლიანისაგან გაუგია და მანამ არ მოისვენა, სანამ სასურველი ქალბატონის გული არ დაიპყრო. იმედია საფრანგეთიდან დაბრუნებული მსახიობი გათხოვების შემდეგ მაინც გვიამბობს საკუთარი სიყვარულის ისტორიას. ვუსურვოთ წყვილს წარმატებები და ბედნიერი მომავალი...