ცნობილი იტალიელი ლამაზმანი მონიკა ბელუჩი მეტად დატვირთულია კინო-გადაღებებით. ემილ კუსტურიცას ფილმში მონაწილეობის შემდეგ მონიკა დიდხანს არ დარჩენილა უქმად და ახალი მიწვევა მიიღო.

ახალგაზრდა იტალიელი რეჟისორი ალის რორვაკერი მსახიობს იღებს ფილმში, რომლის სამუშაო სახელწოდება გახლავთ " Le Meraviglie" -სასწაულები. ფილმში მონიკა დედოფლის როლს ითამაშებს. იტალიელმა რეჟისორმა უკვე მიიღო პრიზი კანის 2011 წლის კინოფესტივალზე ფილმისთვის "ციური სხეულები" .

კინო-გადაღებები რამდენიმე დღეა დაიწყო და მონიკამ უკვე მოირგო დედოფლის სამოსი.

ასეთი დატვირთული გრაფიკის გამო იტალიელ ლამაზმანს პირადი ცხოვრებისთვის დრო საერთოდ არ რჩება, მიუხედავად იმისა, რომ მისი გულის დაპყრობის მსურველების რაოდენობა საგრძნობლად გაიზარდა მონიკას ქმართან განშორების შემდეგ.