ავტომწარმოებელმა AUDI-მ საკუთარ ავტომობილებში გამოიყენა საავტომობილო განათების უახლესი ტექნოლოგიები. ძირითადი ყურადღება გაამახვილეს პილოტისთვის განკუთვნილი მართვის სისტემის განათებებსა და კავშირგაბმულობაზე. ეს ინოვაციური განათების ტექნოლოგიები ლას-ვეგასში გამართულ CES 2013-ის ჩვენებებზე წარმოადგინეს.

კომპანია AUDI ახალი დიზაინისა და ტექნოლოგიების შშერწყმით ცდილობს გააოცოს მომხმარებელი. მან ამჯერად განათების OLED ტექნოლოგიები გამოიყენა. მისი მიზანია ინტელექტუალური, მიმზიდველი, თანამედროვე, უსაფრთხო და კომფორტული ავტომობილების შექმნა. OLED ტექნოლოგია გამოყენებულია როგორც ავტომობილის კორპუსის გარეთა მხარეს, ასევე კარის სახელურებსა და სალონშიც.

OLED ტექნოლოგიები განსაკუთრებით ლამაზად და უცხოდ ავტომობილის უკანა მხარეზე ჩანს. მოძრავი განათება ქმნის საოცარ სურათს. ავტომობილი, ასევე, აღჭურვილია უახლესი უსაფრთხოების სიტემით. წითელი ფერის განათება აკეთებს მოახლოებული პირის სკანირებას და თავდამსხმელის ამოცნობის შემთხვევაში ავტომობილი გადაადგილდება. ავტომობილის ხელოვნურ ინტელექტს შეუძლია გათვალოს თავდამსხმელის მომდევნო მოქმედება და შესაბამისი რეაგირება მოახდინოს.

ლაზერული განათება, აგრეთვე, უზრუნველყოფს მძღოლისათვის კარგ ხილვადობას. ლაზერული განათების საშუალებით მძღოლს ეძლევა მოახლოებულ წინააღმდეგობასთან დაკავშირებით გაფრთხილება. ამ ტექნოლოგიების წყალობით მძღოლს ნისლიან ამინდშიც თავისუფლად შეუძლია მოძრაობის უსაფრთხოდ გაგრძელება.

ავტომობილი აღჭურვილია მატრიცული განათების სიტემითაც, რომელიც ავტომატურად ირთვება სიბნელის დროს. მატრიცული განათება გახლავთ LED ტიპის წინა პროჭექტორების სიტემა, რომელიც მრავალი შუქდიოდების ინდივიდუალური სეგმენტებისაგან შედგება და მათგან გამოყოფილი სინათლე ძლიერდება ლინზების საშუალებით.

ავტომობილს აგრეთვე გააჩნია მონიტორული სისტემა, სადაც ავტომობილის შესახებ ყველანაირი ინფორმაცია აისახება (სიჩქარე, განვლილი მანძილი, გამაგრილებელი სისტემის ტეპერატურა, საწვავის რაოდენობა და ა.შ.).