რუსკა მაყაშვილი ყველასათვის ცნობილი და საყვარელი მსახიობი გახლავთ. ის ფართო მასებმა სერიალიდან "გოგონა გარეუბნიდან" გაიცნო, თუმცა მსახიობი მანამდე რუსთაველის თეატრში აქტიურად მოღვაწეობდა. რუსკას პოპულარობა დღემდე გრძელდება, ტელეეკრანებზეც ხშირად ვხედავთ და თეატრშიც აქტიურადაა დასაქმებული. მისი რჩეული წლების მანძილზე გიორგი ყიფიანი გახლდათ. რუსკა პირად ცხოვრებაზე ხშირად გვიამბობდა. სამწუხაროდ ურთერთობა კრახით დასრულდა, მას შემდეგ კი მსახიობი პირად ცხოვრებაზე საუბარს თავს არიდებს, თუმცა ამტკიცებდა, პრინცები ნამდვილად არსებობენ და მეც ჩემს პრინცს ველოდებიო.
მგონი ლოდინმა შედეგიც გამოიღო, რუსკა შეყვარებულია. მისი რჩეული 24 წლის მორაგბე სანდრო ნიჟარაძე გახლავთ. ის ჯერ "ყოჩებში", შემდეგ კი "ლელოში" თამაშობდა. სანდრო ხელმოცარული სპორტსმენი არ გეგონოთ, საქართველოს ჩემპიონია. რუსკა და სანდრო ივლისის თვეში ბათუმში ერთად ისვენებდნენ და საზოგადოებაში ერთად გამოჩენასაც არ ერიდებოდნენ.

რუსკას და, ასევე ყველასათვის ცნობილი მსახიობი ნინუცა მაყაშვილი გვიამბოს, რომ რუსკას შეყვარებული სპორტსმენია, თუმცა მის სახელსა და გვარს არ ამხელს. სამაგიეროდ ადასტურებს, რომ წყვლი ბათუმში ერთად ისვენებდა. სანდრო და რუსკა პირად ცხოვრებაზე არაფერს გვიმხელენ. სოციალურ ქსელში გავრცეებული ფოტოები კი ბევრ რამეზე მეტყველებს... ვუსურვოთ წყვილს წარმატებები და ბედნიერი მომავალი..