გერმანელი ლეგიონერს არ მოსწონს ის ავანსი რასაც მადრიდის "რეალი" ამჟამად მასზე გასცემს, ეს თანხა კი 5 მილიონ ევროს შეადგენს.

მარტის თვეში მან რეალის ხელმძღვანელობას და პირადად ფლორენტინო პერესს თხოვნით მიმართა, რომ მისთვის კიდევ 2 მილიონი ევრო დაემატებინათ, მაგრამ ფლორენტინო ამ საკითხს არც თუ ისე დიდი ენთუზიასმით მიუდგა.

როგორც El Confidencial-ი იუწყება, მესუტს სურს კლუბის დატოვება და თან ამის განხორციელება მას ამ ზაფხულს სურს. სატრანსფერო ფანჯრის დახურვამდე ძალიან ცოტა დრო დარჩა და თუ იმ შეთავაზებებს განვიხილავთ რომელიც "რეალს" შესთავაზეს გერმანელის სანაცვლოდ ძალზედ მცირეა იმის შანსი, რომ მან კლბის გამოცვლა ამ სატრანსფერო ფანჯრის დროს მოახერხოს.

შესაძლებელია მესუტის ასეთი გადაწყვეტილება გუნდში გაზრდილ კონკურენციასაც დავუკავშიროთ სასტარტო შემადგენლობისთვის.სათამაშო დროის უქონლობამ კლუბში კი შესაძლოა ადგილი გერმანიის ეროვნული ნაკრებში დააკარგვინოს.