საზამთრო ამ დროს ყველაზე მისაღები ხილია: თითქმის უკალორიო და მარგებელი.

მაგრამ ცოტა არ იყოს მოსაბეზრებელია სულ ერთი და იგივე, დაჭრილი საზამთრო...

ნაყინი ყველას გვიყვარს, მაგრამ არ "გვიყვარს" კალორიები, რომლებიც მასშია.

თან მარხვაც არის...

ჰოდა ცოტა გავამრავალფეროვნოთ ჩვენი ერთფეროვანი ყოველდღიურობა და შევუცვალოთ ფორმა "დალოცვილ" საზამთროს ისე, რომ კალორიები დიდად არ მივამატოთ.

მოკლედ, დავიწყოთ:

დაგვჭირდება:

1. საზამთროს კურკაგაცლილი რბილობი: დაახლოებით 10 კილოიანი საზამთროს ნახევარი;

2. 2 ლიმონი;

3. 1 ჩ.ჭ. შაქარი;

4. ბლენდერი.

პროპორციები თავად შეგიძლიათ შეცვალოთ სურვილისა და გემოვნების მიხედვით.

დავჭრათ მცირე ზომის კუბიკებად საზამთრო. ჩავყაროთ ბლენდერში, დავამატოთ შაქარი.

გამოვწუროთ ლიმნის წვენი და ჩავასხათ ისიც ბლენდერში. ავთქვიფოთ.

მიღებული პიურესებური მასა ჩავასხათ ჯამში ან ერთიან სანაყინე ფორმაში. შევდოთ საყინულეში 60-90 წუთით.

ნახევრად გაყინული მასა გამოვიღოთ და კარგად ავურიოთ.

ისევ შევდგათ საყინულეში 1 საათით და შემდეგ გავიმეოროთ არევის პროცედურა. გადავიტანოთ სანაყინეებში და მივირთვათ.

დამიჯერეთ, ნამდვილად გაგაგრილებთ...