ყველაზე ძვირადღირებული ყავა - "შავი ეშვი", (1100 $) მზადდება იმ ყავის ხის ნაყოფისგან, რომელსაც მიირთმევენ სპილოები. ყავის მარცვლები 10-15 საათს ატარებენ სპილოების საჭმლის მომნელებელ სისტემაში. ისინი იქ ტივტივებენ ბანანებთან და სხვა ვეგეტარიანულ საკვებთან ერთად. სპილოს კუჭის წვენი კი შლის ცხიმებს და მარცვლებს სპეციპიკურ მომწარო გემოსა და განსაკუთრებულ არომატს ანიჭებს.
ასეთი ყავის დაგემოვნება შეიძლება მალდივიის კუნძულებსა და ტაილანდში, სადაც ფინჯანი ყავა 50$ ღირს. ასეთი ძვირი კი იმიტომაა, რომ სპილოების შენახვა ძვირი ჯდება, ისინი იკვებებიან არაბიკის ჯიშის ყავით, რომელიც 1500 მ სიმაღლეზე იზრდება ზღვის დონიდან. თანაც ერთი კილოგრამი მზა ყავის მისაღებად სპილომ უნდა შეჭამოს 32 კილოგრამი მარცვალი. ცხოველების დახმარებით მზადდება ანალოგიურად kofi luwak-ის ყავა. კუნძულ სუმატრაზე ყავის პლანტაციებში ცხოვრობს კატა, რომელიც მიირთმევს ყავის მარცვლებს. ძვირფასი სასმელი ანალოგიურად მიიღება მათი ექსტრემენტებიდან.
