ბრაზილიელი ვარსკვლავის, ნეიმარის გადმოსვლამ ბარსელონაში კიდევ უფრო გაზარდა კონკურენცია კლუბში და ესპანეთის ჩემპიონის სათადარიგოთა სკამზე არაერთ ვარსკვლავს მოუწევს ჯდომა.

26 წლის ცესკ ფაბრეგასის გადაბირებას აქტიურად ცდილობს იუნაიტედი და მოიესს სურს ცესკი პრემიერლიგაში დააბრუნოს.

"არაფერი შეცვლილა, ჩემი სურვილები და მომავლის გეგმები მხოლოდ ბარსელონას უკავშირდება"-განაცხადა მალაიზიაში პრესკონფერენციაზე ფაბრეგასმა.

"მეამაყება, რომ იუნაიტედს სურს ჩემი ყიდვა, თუმცა ამ 2 წლის განმავლობაში არცერთი შემოთავაზება არ განმიხილავს"

ბარსელონაში ტიტო ვილანოვას წასვლამ და ხერარდო მარტინოს მოსვლამ ცოტა არ იყოს იმედები გაუღვივა ცესკს.

"მე მივიღე არაერთი შეტყობინება სანდრო როსელისგან(კლუბის პრეზიდენტი), ხოსე ბართომეუსგან (ვიცე პრეზიდენტი), ასევე ვილანოვასაგან და ამჟამინდელ ბოს მარტინოსგან.რა დასამალია, რომ საუბარი ახალ კონტრაქტზეც იყო"

57 მილიონ ევროდ შეძენილი ნეიმარის გადმოსვლამ ცესკს საქმე გაურთულა, თუმცა ესპანელი ამას არ აღიარებს -"ვიცი რა სურს ჩემგან მარტინოს, ყველაფერი ნათელია. მომიწევს ჩემი მაქსიმუმის გაკეთება"