ნიღაბს ჩვენ მრავალი მიზეზით ვიკეთებთ: კმაყოფილებისათვის, თავდაცვის ან იმ მიზნით რომ გამოვირჩეოდეთ. საზოგადოების შფოთიან ადგილებში საკუთარი სახის დაფარვით შესაძლებელია შურისძიებისაგან თავი დაიცვა. ასევე შესაძლოა გამოვიწვიოთ შიში, თვითგაურკვევლობა და თვითმერყეობა სხვებში. კულტურული, პოლიტიკური ან რელიგიური ფიგურის ნიღბის მორგებით შეიძლება ადამიანს ძალა მიენიჭოს და აქციოს იგი უფრო მნიშვნელოვან პერსონად.

მრავალ შემთხვევაში კი ნიღბები უწყინარ როლს თამაშობენ. ნიღბით მყოფ ადამიანებს ნებას რთავენ კარნავალში მონაწილეობის მიღებას. გახდნენ ვიღაც ან რაღაც მცირე ხნით.

მრავალ ქვეყანაში კარნავალი ხელოვნების მწვერვალია. ის ხომ ცხოვრების დიდი ვოდევილია. ამ წარმოდგენაში კი ტრაგედიასაც კომიკური სახე აქვს. აქ კომედია დომინირებს და აბსოლიტური გამარჯვებაც მას ეკუთვნის. კარნავალში ნებისმიერი როლის მორგება შესაძლებელია. თან ეს დროებითია. ეს სიცოცხლეა, ეს ცხოვრება დროებითია, წარმავალია და კარნავალია...